Breusysi 6:39 - An Bibel Kernewek 20234 (Kernewek Kemmyn)

³⁹ Ena Gideon a leveris dhe Dhuw, ‘Na leskes dha sorr er ow fynn, gas vy dhe gewsel unnweyth moy; gas vy dhe brevi gans an knew unnweyth moy; bedhes sygh war an knew hepken, ha bedhes gluth war an leur.’

Breusysi 6:39 ပူးပေါင်းရင်းမြစ်များ

Jenesis 18:30

Hag ev a leveris dhodho, ‘Na vedhes an Arloedh serrys, ha my a vynn kewsel. Martesen y fydh deg warn ugens kevys ena.’ Hag ev a leveris, ‘Ny'n gwrav mar kavav deg warn ugens.’

Jenesis 18:32

Hag ev a leveris, ‘Na vedhes an Arloedh serrys, ha my a vynn kewsel an torn ma yn unnsel. Martesen y fydh deg kevys ena.’ Hag yn-medh ev, ‘Ny wrav vy distrui rag deg.’

Ysay 50:2

Prag nag esa denvyth ena pan dheuth vy? Prag na worthybis denvyth pan elwis vy? Yw ow dorn berrhes bys ma na yll hi dasprena? A nyns eus dhymmo vy galloes dhe dhelivra? Gans ow heredh my a sygh an mor, my a wra avonyow difeyth; aga fuskes a fler rag difyk dowr, hag a verow rag syghes.

Matthew 21:43

Rakhenna, my a lever dhywgh, gwlaskor Duw a vydh kemmerys a-dhiworthowgh ha res dhe genedhel a dheg hy threvas.

Matthew 8:12

mes mebyon an wlaskor a vydh tewlys yn-mes dhe'n tewlder pella; ena y fydh oelva ha skrinva dyns.’

Oberow 13:46

Hag ow kewsel yn hardh, Powl ha Barnabas a leveris, ‘Res o bos ger Duw kewsys dhywgh hwi yn kynsa; mes a-ban y'n skonyowgh hag omvreusi agas honan anwiw a vewnans heb diwedh, otta, ni a dreyl dhe'n Jentilys.

Oberow 22:21

Ena ev a leveris dhymm, “Ke, rag my a wra dha dhannvon a-bell dhe'n Jentilys.” ’

Oberow 28:28

Rakhenna bedhes godhvedhys dhywgh bos an selwyans ma a Dhuw dannvenys dhe'n Jentilys, hag i a wra goslowes.’

Breusysi 6:38

Hag yndella yth o. Pan sevis yn-bann ternos a-varr, hag a waskas an knew, ev a wrynyas bollas a dhowr anodho.

Breusysi 6:40

Ha Duw a wrug yndella an nos na, sygh o war an knew hepken, ha war oll an leur yth esa gluth.