Breusysi 6:34 - An Bibel Kernewek 20234 (Kernewek Kemmyn)

³⁴ Mes spyrys an Arloedh a dheuth war Gideon; hag ev a hwythas an hirgorn ha'n Abiezrysi a veu gelwys dh'y holya.

Breusysi 6:34 ပူးပေါင်းရင်းမြစ်များ

1 Kroniklys 12:18

Ena an Spyrys a dheuth war Amasay, penn an deg warn ugens, hag ev a leveris, ‘Ni yw dhis, A Davydh, ni yw genes, A vab Yesse! Kres, kres dhis, ha kres dhe'th weresoryon, rag dha Dhuw a'th weres.’ Ena Davydh a's degemmeras ha'ga gul pennow an bagasow.

1 Kroniklys 12:19

Re a loeth Manasse a gilfias dhe Davydh pan dheuth ev gans an Filistysi rag omladh erbynn Sowl. (Ny's gweresas ev, rag gwahalyethow an Filistysi a omgusulyas ha'y dhannvon dhe-ves ow leverel, ‘Orth peryll dh'agan penn vydh mar kilfi dh'y vester Sowl.’)

2 Kroniklys 24:20

Ena spyrys Duw a dheuth war Zekaria mab Yehoyada an oferyas; ev a sevis a-ugh an bobel hag a leveris dhedha, ‘Yndellma a lever Duw: Prag yth esowgh diwostydh dhe worhemmynnow an Arloedh? Ny sewenowgh. Drefenn hwi dhe forsakya an Arloedh ev re'gas forsakyas hwi.’

Salmow 51:11

Na dowl vy dhe-ves a'th fas ha na gemmer a-dhiworthiv dha Spyrys sans.

Niverow 10:3

Ha pan vydh an dhew hwythys, oll an kuntelles a wra omguntell dhis dhe dharas tylda an kuntelles.

Romanyon 13:14

Mes gwisk an Arloedh Yesu Krist, ha na dharbar dhe'n kig, rag y lustys.

Galatianys 3:27

rag myns ahanowgh a veu besydhys yn Krist a wiskas Krist.

Yoshua 17:2

Ynwedh yth esa tiredh rag mebyon erell Manasse war-lergh aga theyluyow, dhe vebyon Abiezer, dhe vebyon Helek, dhe vebyon Asriel, dhe vebyon Shekem, dhe vebyon Hefer, ha dhe vebyon Shemida; an re ma o fleghes worow Manasse mab Yosep war-lergh aga theyluyow.

Breusysi 13:25

Spyrys an Arloedh a dhallathas movya ynno yn Mahane-dan, yntra Sora hag Eshtaol.

Breusysi 14:19

Ena spyrys an Arloedh a fyskas warnodho, hag ev eth yn-nans dhe Ashkelon. Ev a ladhas deg gour warn ugens a'n dre, hag a gemmeras aga freydh, hag a ros an dillasennow dhe'n re re a dhisplegsa an govynn koynt. Yn sorr poeth ev a dhehwelis dhe ji y das.

Breusysi 15:14

Pan dheuth dhe Lehi, an Filistysi a dheuth gans garmow dhe vetya ganso; ha spyrys an Arloedh a fyskas warnodho ha'n lovanow esa war y dhiwvregh eth ha bos avel garrow lin gans tan, ha'y rawyow a deudhis dhiworth y dhiwdhorn

Breusysi 3:10

Spyrys an Arloedh a dheuth warnodho, hag ev a vreusi Ysrael; ev eth dhe vresel, ha'n Arloedh a ros Kushan-rishathaym myghtern Aram yn y leuv; ha'y leuv a's tevo maystri war Kushan-rishathaym.

Breusysi 3:27

Pan dheuth di, ev a hwythas an hirgorn yn bro venydhyek Efraym, ha mebyon Ysrael eth yn-nans ganso dhiworth an vro venydhyek, hag ev a-ragdha.

Breusysi 6:11

Lemmyn el an Arloedh a dheuth hag esedha yn-dann an derebinthenn yn Ofra, o dhe Yoash, an Abiezryas. Pan esa y vab Gideon ow trushya gwaneth y'n winwask, rag y gudha a'n Midyanysi,

Breusysi 8:2

Ytho yn-medh ev dhedha, ‘Pandr'a wrug vy lemmyn kehaval dhywgh hwi? A nyns yw gesigow grappys Efraym gwell ages leun drevas grappys Abiezer?

1 Samuel 10:6

Ha spyrys an Arloedh a wra dha dhalghenna, ha profoesa a wredh gansa, ha treylys vydhydh yn gour arall.

1 Samuel 11:6

Ha Spyrys Duw a dheuth war Sowl pan glewas ev an geryow ma, ha'y sorr a dhewis yn feur.

1 Samuel 13:3

Yonathan a fethas savla-gwithysi an Filistysi esa yn Geba, ha'n Filistysi a glewas anodho. Ha Sowl a hwythas an hirgorn der oll an tir, ow leverel, ‘Gwres an Filistysi klewes!’

1 Samuel 16:14

Mes spyrys an Arloedh a dhibarthas a-dhiworth Sowl, ha tebel spyrys a-dhiworth an Arloedh a'n tormentya.