Breusysi 6:13 - An Bibel Kernewek 20234 (Kernewek Kemmyn)

¹³ Gideon a worthybis dhodho, ‘Mes, syrra, mars usi an Arloedh genen, ytho prag y hwarva oll hemma dhyn? Ha ple'ma oll an gweythresow marthys a dherivas agan tasow dhyn, ow leverel, “A ny wrug an Arloedh agan dri yn-bann a Ejyp?” Mes lemmyn an Arloedh re'gan tewlis dhe-ves, ha'gan ri yn leuv Midyan.’

Breusysi 6:13 ပူးပေါင်းရင်းမြစ်များ

Jenesis 25:22

ha'n fleghes a strivyas war-barth ynni hi hag yn-medh hi, ‘Mars yw an kas yndella, prag yth ov vy bew?’ Hag yth eth hi dhe wovynn orth an Arloedh.

2 Kroniklys 15:2

Ev eth yn-mes rag metya gans Asa, hag a leveris dhodho, ‘Goslow orthiv, Asa hag oll Yuda ha Benyamin. Yma an Arloedh genowgh, ha hwi ganso. Mara's hwilowgh, ev a vydh kevys genowgh, mes mara's gesowgh, ev a'gas gas.

Salmow 27:9

Na gudh dha fas ragov; na dowl dha was dhe-ves yn sorr. Ty re beu ow gweres. Na wra ow gasa na forsakya, A Dhuw ow selwyans.

Salmow 44:1

A Dhuw, ni re glewas gans agan diwskovarn, agan tasow re venegas dhyn ni, an gweythres a wrussys yn aga dydhyow i, y'n termyn koth.

Salmow 44:2

Gans dha leuv ty a fesyas an kenedhlow, mes ty a's plansas yn aga le; ty a dhistruis an poblow, mes gul dhedha triga yn aga le.

Salmow 44:9

Byttegyns ty re'gan skonyas, ha'gan shamya, ha nyns edh jy yn-rag gans agan luyow.

Salmow 89:49

Ple'ma dha dregeredhow koth, A Arloedh, an re a desys dhe Davydh y'th lelder?

Ysay 41:17

Pan hwila an voghosogyon ha'n edhommogyon dowr, ha nyns eus banna, ha krin yw aga thaves gans syghes, my an Arloedh a worthyp dhedha, my, Duw Ysrael, ny's gasav.

Ysay 63:11

Ena ev a borthas kov a'n dydhyow koth, Moyses ha'y bobel. Ple'ma ev neb a's dros war-vann yn-mes a'n mor, gans bugeledh y flokk? Ple'ma ev neb a settyas y Spyrys Sans a-berth ynno,

Ysay 63:15

Mir dhiworth nev, ha gwel dhiworth trigva ughel dha sansoleth ha'th glori. Ple'ma dha dhiwysykter ha'th krevder, amovyans dha golodhyon ha'th truedh? Skonys yns dhymm.

Yeremia 23:33

Ha pan wovynn orthis an bobel ma, po an profoes, po oferyas, ‘Pyth yw begh an Arloedh?’ ty a lever dhedha, ‘Hwi yw an begh, ha my a wra agas forsakya, yn-medh an Arloedh.’

Romanyon 8:31

Pandr'a leveryn dhe'n taklow ma ytho? Mars usi Duw a-barth dhyn, piw eus er agan pynn?

Dewteronomi 29:24

Oll an kenedhlow a lever, ‘Prag y hwrug an Arloedh yndella dhe'n tir ma? Pandr'a styr poethter an sorr bras ma?’

Dewteronomi 31:17

Ow sorr a dheu warnedha y'n jydh na, ha my a's forsak, ha kudha ow fas dhiworta, hag i a vydh devorys. Lies drog hag ahwer i a's kyv, may leverons y'n jydh na, “A nyns yw rag nag usi agan Duw yn agan mysk, y teuth an drogow warnan?”

Breusysi 6:1

Mebyon Ysrael a wrug an pyth o drog yn golok an Arloedh, ha'n Arloedh a's ros yn leuv Midyan seyth blydhen.

Breusysi 6:12

el an Arloedh a omdhiskwedhas dhodho hag a leveris dhodho, ‘Yma an Arloedh genes, kasor galloesek.’