Breusysi 6:11 - An Bibel Kernewek 20234 (Kernewek Kemmyn)

¹¹ Lemmyn el an Arloedh a dheuth hag esedha yn-dann an derebinthenn yn Ofra, o dhe Yoash, an Abiezryas. Pan esa y vab Gideon ow trushya gwaneth y'n winwask, rag y gudha a'n Midyanysi,

Breusysi 6:11 ပူးပေါင်းရင်းမြစ်များ

Jenesis 16:7

El an Arloedh a's kavas ryb fenten a dhowr y'n difeythtir, ryb an fenten war an fordh dhe Shur.

Jenesis 48:16

an el neb a'm delivras dhiworth pub droktra, re vennikko an vebyon; ha re bo gelwys warnedha ow hanow vy ha hanow ow thasow Abraham hag Ysak; ha re gressyons dhe vos bras aga niver yn kres an norvys.’

1 Myghternedh 19:19

Ytho ev a dhibarthas alena, ha kavoes Elisha mab Shafat, esa owth aras. Yth esa dewdhek yew a oghen a-ragdho, hag yth esa ev gans an dewdhegves. Elias a'n tremenas ha tewlel y vantell warnodho.

Ysay 63:9

yn oll aga anken. Nyns o kannas nag el mes y lok ev a's sawyas. Yn y gerensa hag yn y druedh ev a's dasprenas; ev a's drehevis ha'ga doen oll an dydhyow koth.

Niverow 26:30

An re ma yw mebyon Gilead: a Iezer, teylu an Iezerysi; a Helek, teylu an Helekysi;

Ebrowyon 11:32

Ha pandr'a lavarav moy? Rag termyn a fallsa dhymm dhe dherivas a-dro dhe Gideon, Barak, Samson, Yeftha, a-dro dhe Davydh ha Samuel ha'n brofoesi,

Yoshua 17:2

Ynwedh yth esa tiredh rag mebyon erell Manasse war-lergh aga theyluyow, dhe vebyon Abiezer, dhe vebyon Helek, dhe vebyon Asriel, dhe vebyon Shekem, dhe vebyon Hefer, ha dhe vebyon Shemida; an re ma o fleghes worow Manasse mab Yosep war-lergh aga theyluyow.

Yoshua 18:23

Avvim, Para, Ofra,

Breusysi 13:3

Hag el an Arloedh a omdhiskwedhas dhe'n venyn hag a leveris dhedhi, ‘Kynth os gownagh, ha ny dhuges fleghes, ty a wra omdhoen ha dineythi mab.

Breusysi 13:6

Ena an venyn a dheuth hag a leveris dh'y gour, ‘Gour Duw a dheuth dhymm, ha'y semlans o haval dhe semlans el Duw, pur euthyk; ny wovynnis vy orto a-ble teuth ha ny dherivas dhymm y hanow,

Breusysi 5:23

‘Molleth Meroz, a lever el an Arloedh, molleth yn hwerow y annedhysi, rag na dheuthons dhe weres an Arloedh, dhe weres an Arloedh erbynn an re alloesek.

Breusysi 6:12

el an Arloedh a omdhiskwedhas dhodho hag a leveris dhodho, ‘Yma an Arloedh genes, kasor galloesek.’

Breusysi 8:2

Ytho yn-medh ev dhedha, ‘Pandr'a wrug vy lemmyn kehaval dhywgh hwi? A nyns yw gesigow grappys Efraym gwell ages leun drevas grappys Abiezer?

Breusysi 9:5

Ev eth dhe ji y das yn Ofra hag a ladhas y vreder mebyon Yerubbaal, deg gour ha tri-ugens war unn men. Mes Yotham mab Yerubbaal, an yowynka, a veu gesys, rag ev a omgudhas.