Breusysi 6:10 - An Bibel Kernewek 20234 (Kernewek Kemmyn)

¹⁰ ha my a leveris dhywgh hwi, “An Arloedh agas Duw yth ov; na wordhyowgh duwow an Amorysi mayth esowgh trigys yn aga thir.” Mes ny woslewsowgh dhe'm lev.’

Breusysi 6:10 ပူးပေါင်းရင်းမြစ်များ

2 Myghternedh 17:13

Byttegyns an Arloedh a warnyas Ysrael ha Yuda dre bub profoes ha pub gwelesydh, ow leverel, ‘Treylyewgh dhiworth agas drog fordhow ha gwithewgh ow gorhemmynnow ha'm ordenansow, herwydh oll an lagha a worhemmynnis dh'agas tasow hag a dhannvenis dhywgh der ow gwesyon ha'm profoesi.’

2 Myghternedh 17:33

I a berthi own a'n Arloedh ha servya aga duw aga honan, yn gis an kenedhlow re bia degys anedha.

2 Myghternedh 17:7

Hemma a hwarva drefenn fleghes Ysrael dhe begha erbynn an Arloedh aga Duw, re'ga drosa yn-bann dhiworth pow Ejyp, dhiworth leuv Faro myghtern Ejyp, hag i re borthsa own a duwow erell

Nehemia 9:29

Ha ty a's gwarnyas rag aga threylya arta dhe'th lagha. Hwath i a faryas gans bedhekter ha ny obaysons dha worhemmynnow, mes i a beghas erbynn dha vreusow, a re bewnans dhe'n re a's gwith. Mes i a gildennas an skoedh, ha kaleshe aga hilbenn ha ny obaysons.

Eksodus 34:12

Kemmer with ma na wrylli kevambos gans annedhysi an vro mayth esos ow mones, ma na dheffo ha bos antell yn agas mysk.

Eksodus 34:14

rag ny wordhydh ken Duw, rag an Arloedh, neb yw y hanow Avius, yw Duw avius;

Lavarow Koth 5:13

Ny woslowsyn orth lev ow dyskadoryon, na plegya ow skovarn dhe'n re a'm dyski.

Yeremia 10:2

Yndellma y lever an Arloedh: Na dhyskewgh fordh an kenedhlow, ha na vedhewgh digolonnek orth toknys nev; rag an kenedhlow yw digolonnek orta.

Yeremia 17:23

Mes ny woslowsons, na plegya aga skovarn, mes kaleshe aga hilbenn, ma na glewsons, na degemmeres dyskybleth.

Yeremia 3:13

Mes unnweyth aswonn dha dhrogober, may treuspassys erbynn an Arloedh dha Dhuw, ha may resys dha honan yn hel dhe estrenyon yn-dann bub gwydhenn las, ha ny woslewsowgh orth ow lev, yn-medh an Arloedh.

Yeremia 3:25

Ni a wrowedh yn agan meth, ha'gan despit a'gan kudh: rag ni re beghas erbynn an Arloedh agan Duw, ni ha'gan tasow, a-dhia agan yowynkneth ha hwath bys y'n jydh ma, ha ny obayson lev an Arloedh agan Duw.’

Yeremia 42:21

Ha lemmyn my re gewsis dhywgh hedhyw, mes ny vewgh gostydh dhe lev an Arloedh agas Duw yn travyth ma'm dannvonas dh'y leverel dhywgh.

Yeremia 43:4

Ytho ny veu Yohanan mab Kareagh hag oll pennsevigyon an luyow hag oll an bobel gostydh dhe lev an Arloedh, dhe driga yn pow Yuda.

Yeremia 43:7

Hag i a dheuth bys yn pow Ejyp, rag ny woslowsons orth lev an Arloedh. Hag i a dheuth dhe Tahpanhes.

Yeremia 9:13

Hag yn-medh an Arloedh: Rag i re forsakyas ow lagha a settis a-ragdha, ha ny vons gostydh dhe'm lev, na kerdhes ynni,

Sefania 3:2

Ny obayas hi lev vytholl; ny dhegemmeras dyskybleth; ny drestyas y'n Arloedh; ny nesas dh'y Duw.

Romanyon 10:16

Mes nyns o pubonan gostydh dhe'n aweyl; rag Ysay a lever, ‘A Arloedh, piw a grysis agan derivas?’

Ebrowyon 5:9

ha wosa bos gwrys perfydh, y teuth ha bos fenten a selwyans bys vykken dhe beub yw gostydh dhodho,

Yoshua 24:15

Ha mars yw drog yn agas golok servya an Arloedh, dewisewgh hedhyw pyneyl a servyowgh, po an duwow a wrug agas tasow aga servya dres an avon, po duwow an Amorysi, mayth esowgh trigys yn aga thir; mes my ha'n teylu, ni a serv an Arloedh.’

Breusysi 2:2

ha hwi nevra ny wrewgh kevambos gans trigoryon an tir ma; hwi a derr dhe'n dor aga alteryow.” Mes ny obaysowgh ow lev. Prag y hwrussowgh hemma?

Breusysi 6:9

ha my a'gas delivras dhiworth leuv Ejyp, ha dhiworth leuv oll an re a'gas arwaska; my a's tewlis yn-mes a-ragowgh, ha ri dhywgh hwi aga thir;