Breusysi 5:30 - An Bibel Kernewek 20234 (Kernewek Kemmyn)

³⁰ “A nyns esons i ow kavoes hag ow kevrenna an preydh? – mowes po diw dhe bub gour; preydh a gwethow liwek dhe Sisera, preydh a gwethow liwek brosys, dew dharn a ober liwek brosys rag ow honna yn preydh?”

Breusysi 5:30 ပူးပေါင်းရင်းမြစ်များ

Jenesis 37:3

Lemmyn Ysrael a gara Yosep moy es oll y vebyon erell, rag ev a veu mab y gothni; hag ev a wrug kota liesliw ragdho.

2 Samuel 13:18

(Lemmyn hi a veu gwiskys yn pows liesliw; rag myrghes an myghtern neb o gwyrghesow a wiska goenyow a'n par ma.) Ytho y was a's dros yn-mes, ha prenna an daras war hy lergh.

Job 20:5

mayth yw heudh an re dhidhuw berr, hag unn pols byghan yw lowena an debelwas?

Salmow 45:14

Hi a vydh dres dhe'n myghtern yn dillas brosys; an maghtethyon hy howethesow neb a's hol a's hembronk dhis.

Salmow 68:12

‘Myghternedh a luyow a fias dhe'n fo!’ An venyn esa ow kortos yn tre a rannas an preydh.

Eksodus 15:9

‘An eskar a leveris, “My a wra siwya, my a wra tremena, my a rann an preydh, ow hwans a vydh lenwys gansa. My a denn ow kledha, ow dorn a wra aga distrui.”

Eksodus 27:16

Dhe borth an klos y fydh kroglenn, ugens kevelin hy hys, a bann glas ha purpur ha kogh ha sendal plethys, brosys gans brosweyth; peder koloven y's tevydh ha gansa peswar selven.

Lavarow Koth 16:19

Gwell yw bos uvel an spyrys gans an voghosogyon ages kevrenna an preydh gans an re woethus.

Ysay 9:2

An bobel a gerdhi yn tewlder re welas golow meur; an re trigys yn tir skeus ankow – golow re splannas warnedha.

Breusysi 5:19

‘Myghternedh a dheuth, i a omladhas; ena myghternedh Kanan a omladhas yn Taanak, ryb dowrow Megiddo; ny gemmersons preydh a arghans.

Breusysi 5:29

Hy furra arloedhesow a worthyp, yn tevri hi a worthyp an govynn hy honan: