Breusysi 5:23 - An Bibel Kernewek 20234 (Kernewek Kemmyn)

²³ ‘Molleth Meroz, a lever el an Arloedh, molleth yn hwerow y annedhysi, rag na dheuthons dhe weres an Arloedh, dhe weres an Arloedh erbynn an re alloesek.

Breusysi 5:23 ပူးပေါင်းရင်းမြစ်များ

Nehemia 3:5

Nessa dhedha an Tekoysi a wrug ewnheansow; mes ny worras aga ugheloryon aga diwskoedh dhe ober aga mestrysi.

Salmow 94:16

Piw a omdhrehav ragov erbynn an debeles? Piw a sev ragov erbynn an dhrogoberoryon?

Yeremia 48:10

Milliges yw ev neb yw diek ow kul ober an Arloedh, ha milliges yw ev neb a with y gledha dhiworth skoellya goes.

Matthew 25:41

‘Ena y hwra ev leverel ynwedh dhe'n re a'n barth kledh, “Kewgh a-dhiworthiv, hwi dus villiges, dhe'n tan heb diwedh yw darbarys dhe'n jowl ha'y eledh.

Romanyon 15:18

Rag ny vynnav bedha kewsel a-dro dhe dravyth a-der an pyth a wrug Krist ynnov dhe wul an kenedhlow gostydh, dre er ha der ober,

1 Korinthianys 16:22

Neb na gar an Arloedh, bedhes milliges. Re dheffo agan Arloedh!

1 Korinthianys 3:9

Rag ni yw kesoberoryon Duw; hwi yw park gonedhys Duw, drehevyans Duw.

2 Korinthianys 6:1

Ha ni ow kesoberi, ni a'gas pys ma na dhegemmerrowgh gras Duw yn euver;

Breusysi 13:3

Hag el an Arloedh a omdhiskwedhas dhe'n venyn hag a leveris dhedhi, ‘Kynth os gownagh, ha ny dhuges fleghes, ty a wra omdhoen ha dineythi mab.

Breusysi 2:1

Lemmyn el an Arloedh eth yn-bann dhiworth Gilgal dhe Bokim, ha leverel, ‘My a'gas dros yn-mes a Ejyp, ha'gas dri a-berth y'n tir a des vy y ri dh'agas tasow. My a leveris, “Byth ny dorrav ow hevambos genowgh,

Breusysi 21:5

Ena mebyon Ysrael a leveris, ‘Piw yn-mes a oll loethow Ysrael na dheuth yn-bann dhe'n kuntelles dhe'n Arloedh?’ Rag ti solem re bia gwrys a-dro dhe biwpynag na dheffa yn-bann dhe'n Arloedh dhe Mispa, ow leverel, ‘An den na a vydh gorrys dhe'n mernans.’

Breusysi 21:8

Ena i a leveris, ‘Eus nebonan a loethow Ysrael na dheuth yn-bann dhe'n Arloedh dhe Mispa?’ Y hwarva na dhothya nagonan a Yabesh-gilead dhe'n kamp, dhe'n kuntelles.

Breusysi 4:6

Hi a dhannvonas ha gelwel Barak mab Abinoam a Kedesh Naftali, hag a leveris dhodho, ‘An Arloedh, Duw Ysrael a'th worhemmynn, “Ke ha hembronk yn-mes deg mil wour a vebyon Naftali hag a vebyon Zebulun, ha'ga dri genes dhe venydh Tabor.

Breusysi 5:13

Ena remenant an ugheloryon a geskerdhas yn-nans, pobel an Arloedh a geskerdhas yn-nans ragdho erbynn an re alloesek.

Breusysi 6:11

Lemmyn el an Arloedh a dheuth hag esedha yn-dann an derebinthenn yn Ofra, o dhe Yoash, an Abiezryas. Pan esa y vab Gideon ow trushya gwaneth y'n winwask, rag y gudha a'n Midyanysi,

Breusysi 8:5

Ytho ev a leveris dhe wer Sukkoth, ‘My a'gas pys, rowgh torthow a vara dhe'm holyoryon, rag skwith yns hag yth esov owth helghya Zebagh ha Salmunna, myghternedh Midyan.’

Breusysi 8:6

Mes pennsevigyon Sukkoth a leveris, ‘Eus genes seulabrys Zebagh ha Salmunna y'th leuv, rag may ryllyn bara dhe'th lu?’

Breusysi 8:8

Alena ev eth yn-bann dhe Penuel, hag a bysis dhiworta an keth tra; ha pobel Penuel a worthybis dhodho par dell worthybis pobel Sukkoth.

1 Samuel 17:47

ha may hwodhvo oll an kuntelles na wra an Arloedh sawya dre gledha ha guw; rag yma an vatel dhe'n Arloedh hag ev a'th re yn agan leuv.’

1 Samuel 18:17

Ena Sowl a leveris dhe Davydh, ‘Otta ow hottha myrgh Merab, my a vynn hy ri dhis avel gwreg; mes bydh kolonnek ragov, ha batal batelyow an Arloedh.’ Rag Sowl a dybis, ‘Ny vynnav sevel ow leuv er y bynn, mes bedhes leuv an Filistysi warnodho.’

1 Samuel 25:28

My a'th pys, gav treuspass dha vaghteth; rag an Arloedh a wra yn sur rag ow arloedh chi sur, drefenn ow arloedh dhe vatalyas batelyow an Arloedh; ha ny vydh drog kevys ynnos oll dha dhydhyow.

1 Samuel 26:19

Lemmyn ytho, my a'th pys, klewes ow arloedh an myghtern geryow y was. Mars yw an Arloedh neb re ynnias warnas er ow fynn, re vlasso offrynn; mes mars yw mebyon den, bedhens milliges dherag an Arloedh, rag i re'm chasyas yn-mes y'n jydh hedhyw ma na gaffen ow rann yn eretons an Arloedh, ow leverel, “Ke, serv duwow erell.”