Breusysi 5:22 - An Bibel Kernewek 20234 (Kernewek Kemmyn)

²² ‘Ytho yn ughel y hweskis karnow an vergh gans an peswarlemmel, peswarlemmel an stedys krev.

Breusysi 5:22 ပူးပေါင်းရင်းမြစ်များ

Job 39:19

‘A resys dhe'n margh y grevder? po gwiska y gonna gans mong?

Salmow 20:7

Re a drest yn charettow ha re yn mergh; mes ni a berth kov a hanow an Arloedh agan Duw.

Salmow 33:17

Euveredh yw trestya yn margh rag selwyans, ha nyns yw denvyth selwys gans y nerth bras.

Ysay 5:28

Y sethow yw lymmys hag oll y waregow yw plegys; karnow y vergh yw reknys avel kellester, ha'y rosow avel an korwyns.

Yeremia 47:3

Orth tros stankya karnow y vergh krev, orth klattrans y jarettow, orth grommyans aga rosow, ny dreyl an tasow dhe sawya aga fleghes, mar wann yw aga diwleuv,

Yeremia 47:4

Rag an jydh re dheuth dhe dhistrui oll an Filistysi, dhe dreghi a-dhiworth Tyr ha Sidon pub gwereser yw gesys. Rag an Arloedh a dhistru an Filistysi, remenant arvordir Kaftor.

Yeremia 8:16

Ronkow aga mergh a veu klewys a-dhiworth Dan: orth son kryghias aga mergh krev an tir kowal a grenas; i re dheuth ha gwastya an tir, ha pup-tra eus ynno: an sita ha'n re usi trigys ynni.

Ezekiel 27:14

Dhiworth chi Togarma i a geschanjyas mergh, mergh charettow, ha mulyon rag dha wara.

Mika 4:13

Sav ha drushya, A vyrgh Sion, rag my a vynn gwruthyl dha gorn a horn ha'th karnow a vrons; ty a wra brewi lies pobel, ha sakra aga freydh dhe'n Arloedh, aga rychys dhe Arloedh an norvys oll.