Breusysi 4:21 - An Bibel Kernewek 20234 (Kernewek Kemmyn)

²¹ Mes Yael gwreg Heber a gemmeras ebil tylda hag a gemmeras morthol yn hy dorn hag eth yn tawel dhodho, hag ev a'y wrowedh fest yn kosk gans skwithter; ha hi a weskis an ebil yn er y benn, bys pan eth y'n dor, hag ev a verwis.

Breusysi 4:21 ပူးပေါင်းရင်းမြစ်များ

Salmow 3:7

Sav, A Arloedh; salw vy, ow Duw! Rag ty re weskis oll ow eskerens war an challa; ty re dorras dyns an debeles.

1 Korinthianys 1:19

Rag skrifys yw, ‘My a wra distrui skentoleth an dus skentel, ha skians an dus fur my a wra y lettya.’

1 Korinthianys 1:27

mes Duw a dhewisas an traow yw foll y'n bys rag tyli moethow war an dus skentel; Duw a dhewisas an traow yw gwann y'n bys rag gul bismer dhe'n re grev;

Breusysi 15:15

Ena ev a gavas challa yr a asen, hag ev a ystynnas y leuv ha'y synsi, ha gansa ev a ladhas mil wour.

Breusysi 3:21

Ena Ehud a ystynnas y dhorn gledh, hag a gemmeras an kledha a'y vordhos dhyghow ha'y wana yn y dorr;

Breusysi 3:31

War y lergh y teuth Shamgar mab Anath neb a ladhas hwegh kans gour a'n Filistysi gans garthow. Ev ynwedh a dhelivras Ysrael.

Breusysi 4:20

Yn-medh ev dhedhi, ‘Sav orth entrans an tylda ha mar teu nebonan ha govynn, “Eus nebonan omma?” lavar “Nag eus” ’

Breusysi 4:22

Pan dheuth Barak owth helghya Sisera, Yael eth yn-mes dhe vetya orto, hag a leveris dhodho, ‘Deus, hag my a dhiskwedh dhis an gour a hwilydh.’ Ytho ev a entras hy thylda, hag ottena Sisera a'y wrowedh marow ha'n ebil-tylda yn er y benn.

Breusysi 4:9

Ha hi a leveris, ‘Yth av genes yn surredi; byttegyns ny led an fordh mayth edh warnedhi dhe'th glori, rag an Arloedh a werth Sisera yn leuv benyn.’ Ena Debora a sevis yn-bann hag eth gans Barak dhe Kedesh.

1 Samuel 17:43

An Filistyas a leveris dhe Davydh, ‘Ov vy ki, may teudh dhymm gans lorghow?’ Ha'n Filistyas a vollethis Davydh der y dhuwow.