Breusysi 3:27 - An Bibel Kernewek 20234 (Kernewek Kemmyn)

²⁷ Pan dheuth di, ev a hwythas an hirgorn yn bro venydhyek Efraym, ha mebyon Ysrael eth yn-nans ganso dhiworth an vro venydhyek, hag ev a-ragdha.

Breusysi 3:27 ပူးပေါင်းရင်းမြစ်များ

2 Samuel 20:22

Ena an venyn eth dhe oll an bobel gans hy husul fur, hag i a droghas dhe-ves penn Sheba mab Bikri ha'y dewlel dhe Yoab. Ytho ev a hwythas an hirgorn, hag i eth dhiworth an sita, pub gour dh'y dylda. Ha Yoab a dhehwelis dhe Yerusalem dhe'n myghtern.

2 Myghternedh 9:13

Ena i a fistenas ha pubonan a synsis y dhillasenn ha'y lesa yn-danno war an grisyow lomm, ha seni hirgern, ow leverel, ‘Yehu yw myghtern’.

Nehemia 4:14

Ha my a viras ha sevel ha leverel dhe'n ugheloryon, ha dhe'n soedhogyon ha dhe remenant an bobel, ‘Na berthewgh own anedha. Perthewgh kov a'n Arloedh yw meur hag euthyk, hag omledhewgh rag agas breder, agas mebyon, agas myrghes, agas gwragedh ha'gas chiow.’

Yoshua 17:15

Yoshua a leveris dhedha, ‘Mars owgh hwi pobel vras, ke yn-bann dhe'n goeswik, ha treghi gwydh dhe wul tyller ena ragowgh yn tir an Perizzysi ha'n Refaim, rag bro venydhyek Efraym yw re gul ragos.’

Yoshua 17:18

Mes an vro venydhyek a vydh dhywgh; koeswik yw, ha hwi a's klerha, ha'y oryon pella a vydh dhywgh; rag hwi a fes an Kananysi yn-mes, kyn fo dhedha charettow a horn, ha kynth yns krev.’

Breusysi 10:1

Wosa Abimelek, Tola mab Pua mab Dodo, gour a Yssakar, trigys yn Shamir yn bro venydhyek Efraym, a sevis dhe dhelivra Ysrael.

Breusysi 17:1

Yth esa gour a vro venydhyek Efraym, Mika y hanow.

Breusysi 19:1

Y'n dydhyow na, pan nag esa myghtern yn Ysrael, neb Levyas, trigys y'n rannow pell a vro venydhyek Efraym, a gemmeras iswreg dhodho y honan a Bethlehem yn Yuda.

Breusysi 3:26

Ehud a dhienkas hag i ow kortos, hag ev a dremenas dres an meyn kervys, hag a dhienkas dhe Seira.

Breusysi 5:14

A Efraym i eth yn-mes y'n nans, orth dha holya, Benyamin, gans dha bobel. A Makir an gaslewydhyon a geskerdhas, hag a Zebulun an re hag a dheg lorgh an kaslewydh;

Breusysi 6:34

Mes spyrys an Arloedh a dheuth war Gideon; hag ev a hwythas an hirgorn ha'n Abiezrysi a veu gelwys dh'y holya.

Breusysi 7:24

Ena Gideon a dhannvonas kannasow der oll bro venydhyek Efraym, ow leverel, ‘Dewgh yn-nans erbynn an Midyanysi ha sesewgh an dowrow er aga fynn, bys Beth-bara, ha'n Yordan ynwedh.’ Ytho oll gwer Efraym a veu gelwys yn-mes, hag i a gemmeras an dowrow bys Beth-bara, ha'n Yordan ynwedh.

1 Samuel 13:3

Yonathan a fethas savla-gwithysi an Filistysi esa yn Geba, ha'n Filistysi a glewas anodho. Ha Sowl a hwythas an hirgorn der oll an tir, ow leverel, ‘Gwres an Filistysi klewes!’