Breusysi 21:25 - An Bibel Kernewek 20234 (Kernewek Kemmyn)

²⁵ Y'n dydhyow na, nyns esa myghtern yn Ysrael; oll an bobel a wre an pyth o ewn yn aga dewlagas aga honan.

Breusysi 21:25 ပူးပေါင်းရင်းမြစ်များ

Salmow 12:4

an re a lever, ‘Gans agan taves y tryghyn ni, agan gweusyow yw dhyn ni; piw yw arloedh warnan ni?’

Lavarow Koth 14:12

Yma fordh a hevel ewn dhe wour, mes hy diwedh yw fordhow ankow.

Lavarow Koth 3:5

Trest y'n Arloedh gans oll dha golonn, ha na fydh y'th konvedhes dha honan.

Ekklesiastes 11:9

Bydh lowen, A wour yowynk, y'th flogholeth, ha gas dha golonn dhe'th wul lowen yn dydhyow dha yowynkneth, ha gwra kerdhes yn fordhow dha golonn, hag yn golok dha dhewlagas, ha godhvydh, y hwra Duw dha dhri yn breus drefenn oll an taklow ma.

Ysay 53:6

Ni oll avel deves re wandras; pubonan ahanan re dreylyas dh'agan fordh agan honan, ha'n Arloedh re worras warnodho an kammweyth ahanan ni oll.

Ysay 66:3

Ladher ojyon yw kepar ha ladher gour; neb a sakrifi davas yw avello ev neb a derr konna ki; neb a dhrehav offrynn greun yw avello ev neb a offrynn goes hogh; neb a offrynn rann kovadh a frankynkys yw avello ev neb a vennik idol. I re dhewisas aga fordhow, hag yn aga thaklow kasadow aga enev y'n jeves delit.

Dewteronomi 12:8

Na wrewgh par dell wren ni omma hedhyw, pubonan ow kul pynagoll a vo ewn yn y dhewlagas y honan;

Breusysi 17:6

Y'n dydhyow na nyns esa myghtern yn Ysrael; pub gour a wre an pyth o ewn yn y dhewlagas y honan.

Breusysi 18:1

Y'n dydhyow na nyns esa myghtern yn Ysrael. Hag y'n dydhyow na loeth an Danysi a hwila eretons ragdho y honan dhe driga ynno, rag bys y'n termyn na ny via tir rynnys dhedha dre goelbrenn yn mysk loethow Ysrael.

Breusysi 18:7

An pymp gour eth yn-rag, ha pan dheuthons dhe Laish, i a welas an bobel esa ena ow pewa gans diagha herwydh gis tus Sidon, kosel ha digeudh, heb edhomm a dravyth war an norvys, ha dhedha rychys. Pell vons a dus Sidon, ha ny's teva kevrenn gans denvyth.

Breusysi 19:1

Y'n dydhyow na, pan nag esa myghtern yn Ysrael, neb Levyas, trigys y'n rannow pell a vro venydhyek Efraym, a gemmeras iswreg dhodho y honan a Bethlehem yn Yuda.

Breusysi 21:24

Ytho mebyon Ysrael eth alena y'n termyn na, loeth ha loeth ha teylu ha teylu, hag i eth yn-mes alena dh'aga eretons aga honan.