Breusysi 21:10 - An Bibel Kernewek 20234 (Kernewek Kemmyn)

¹⁰ Ytho an kuntelles a dhannvonas dewdhek mil gasor di hag a's erghis, ‘Kewgh, gweskewgh trigoryon Yabesh-gilead gans min an kledha, keffrys an benynes ha'n fleghes.

Breusysi 21:10 ပူးပေါင်းရင်းမြစ်များ

Niverow 31:17

Lemmyn ytho, ledhewgh pub gorreydh yn mysk an re vyghan, ha ledhewgh pub benyn re aswonnis gour dre goska ganso.

Dewteronomi 13:15

sur ty a wysk trigoryon an dre na gans min an kledha, orth hy sakra dhe dhistruyans, ha pup-tra eus ynni ha'y enyvales, gans min an kledha.

Yoshua 7:24

Ena Yoshua hag oll Ysrael ganso a gemmeras Akan mab Zeragh, ha'n arghans, ha'n vantell, ha'n barr a owr, ha'y vebyon, ha'y vyrghes, ha'y oghen, ha'y asenes, ha'y dheves, ha'y dylda, hag oll a'n jeva; hag i a's dros dhe nans Aghor.

Breusysi 21:5

Ena mebyon Ysrael a leveris, ‘Piw yn-mes a oll loethow Ysrael na dheuth yn-bann dhe'n kuntelles dhe'n Arloedh?’ Rag ti solem re bia gwrys a-dro dhe biwpynag na dheffa yn-bann dhe'n Arloedh dhe Mispa, ow leverel, ‘An den na a vydh gorrys dhe'n mernans.’

Breusysi 21:8

Ena i a leveris, ‘Eus nebonan a loethow Ysrael na dheuth yn-bann dhe'n Arloedh dhe Mispa?’ Y hwarva na dhothya nagonan a Yabesh-gilead dhe'n kamp, dhe'n kuntelles.

Breusysi 21:9

Rag pan veu lennys an rol yn mysk an bobel, nyns esa denvyth a drigoryon Yabesh-gilead ena.

Breusysi 5:23

‘Molleth Meroz, a lever el an Arloedh, molleth yn hwerow y annedhysi, rag na dheuthons dhe weres an Arloedh, dhe weres an Arloedh erbynn an re alloesek.

1 Samuel 11:7

Ev a gemmeras yew a oghen, ha'ga threghi yn temmyn ha'ga dannvon der oll pow Ysrael dre leuv kannasow, ow leverel, ‘Piwpynag na dheffo yn-rag wosa Sowl ha Samuel, yndella y fydh gwrys dh'y oghen ev!’ Ena own an Arloedh a goedhas war an bobel, hag i a dheuth yn-mes kepar hag unn gour.

1 Samuel 15:3

Lemmyn, ke ha gwask Amalek, ha distru glan pup-tra a's teves, ha na wra aga sparya; mes ladh gour ha benyn, flogh ha fleghik, ojyon ha davas, kowrvargh hag asen.” ’