Breusysi 20:37 - An Bibel Kernewek 20234 (Kernewek Kemmyn)

³⁷ An wer yn kontrewaytyans a boenyas yn skav erbynn Gibea. Ena i a weskis oll an sita gans an kledha.

Breusysi 20:37 ပူးပေါင်းရင်းမြစ်များ

Eksodus 19:13

ny wra dorn vyth y dochya, mes y fydh labydhys po tennys gans sethow; best po den kyn fo, ny wra bewa.” Pan sen an hirgorn hwyth hir, i a wra dos bys y'n menydh.’

Yoshua 6:5

Pan hwythons gans kern an hordhes, kettell glewowgh son an hirgorn, garmes oll lu gans garm vras; ena fos an sita a goedh yn hy le, ha gas oll lu dhe vos yn-bann, pub gour ow kerdhes a-ji yn tidro.’

Yoshua 8:13

Ytho i a dhesedhas an soudoryon, gans an kamp yn kledhbarth an sita ha'n re dhelergh a'n howlsedhes dhe'n sita. Mes Yoshua a spenas an nos na y'n nans.

Yoshua 8:14

Pan y's gwelas myghtern Ay, i a fistenas ha sevel a-varr, ha gwer an sita eth yn-mes erbynn Ysrael rag gwerrya, ev hag oll y lu yn tyller apoyntys, a-dal Araba; mes ny wodhya bos kontrewaytyans er y bynn a-dryv an sita.

Yoshua 8:19

Kettel wrug hemma, gwer an kontrewaytyans a sevis uskis dhiworth aga thyller, ha poenya yn-rag. I a entras a-ji dhe'n sita, ha'y hemmeres, ha gorra tan ynni war-not.