Breusysi 20:34 - An Bibel Kernewek 20234 (Kernewek Kemmyn)

³⁴ Erbynn Gibea y teuth deg mil wour dewisys a oll Ysrael, ha'n vatel o fell. Mes ny wodhya an Benyaminysi bos terroesa ow tos warnedha.

Breusysi 20:34 ပူးပေါင်းရင်းမြစ်များ

Job 21:13

I a spen aga dydhyow yn dader, hag yn unn pols diyskynna dhe ifarn.

Lavarow Koth 29:6

Yn offens an tebelwas yma antell, mes an den gwiryon a gan hag a lowenha.

Lavarow Koth 4:19

Fordh an debeles yw haval dhe dewlder down; ny wodhons an pyth may trebuchons warnodho.

Ekklesiastes 9:12

Yn sur ny woer den y brys gwiw; kepar dell yw puskes kevys yn tebel roes, ha kepar dell yw ydhyn kevys yn maglenn, yndellma yth yw mebyon den maglennys yn termyn anfeus a goedh warnedha a-dhesempis.

Ysay 47:11

Mes drog a dheu warnas, na' fydh y dhefendya dre soena. Terroes a goedh warnas, na' fydh y woheles, hag a-dhistowgh y teu distruyans warnas, ma na wodhes anodho travyth.

Matthew 24:44

Rakhenna, bedhewgh hwi ynwedh parys, rag y'n eur ma na dybowgh y teu Mab an den.

Luk 21:34

‘Bedhewgh war, ma na vo agas kolonn nevra beghys gans diwessa, na medhwynsi na fienasow bewnans, ha na wrello an jydh dos warnowgh yn tromm

1 Thessalonianys 5:3

Tus pan leverons, ‘Yma kres ha diogeledh’, ena diswrians tromm a dheu warnedha kepar ha gloes dineythyans dhe venyn gans flogh, ha ny wrons diank mann.

Yoshua 8:14

Pan y's gwelas myghtern Ay, i a fistenas ha sevel a-varr, ha gwer an sita eth yn-mes erbynn Ysrael rag gwerrya, ev hag oll y lu yn tyller apoyntys, a-dal Araba; mes ny wodhya bos kontrewaytyans er y bynn a-dryv an sita.

Breusysi 20:35

An Arloedh a fethas Benyamin a-rag Ysrael; ha mebyon Ysrael a dhiswrug pymp mil warn ugens ha kans a wer Benyamin y'n jydh na, oll anedha ervys gans kledhedhyow.