Breusysi 20:28 - An Bibel Kernewek 20234 (Kernewek Kemmyn)

²⁸ ha Finehas mab Eleazar mab Aron, a servya a-ragdha y'n dydhyow na) ow leverel, ‘A wren ni mos yn-mes unnweyth arta rag batalyas orth agan breder, an Benyaminysi, po a wren ni hedhi?’ An Arloedh a worthybis, ‘Kewgh yn-bann rag a-vorow my a's re yn agas leuv.’

Breusysi 20:28 ပူးပေါင်းရင်းမြစ်များ

2 Samuel 6:3

I a worras argh Duw war gert nowydh, ha'y dri dhiworth chi Abinadab, esa yn Gibea. Yth esa Uzza hag Ahio, mebyon Abinadab, ow ledya an kert nowydh.

2 Kroniklys 20:17

Nyns yw an vatel ragowgh hwi dhe omladh; kemmerewgh agas le, sevewgh fyrv ha gwelewgh trygh an Arloedh a'gas govis, A Yuda ha Yerusalem.” Na vedhewgh ownek na digolonnek; a-vorow kewgh dh'aga dyerbynna, ha'n Arloedh a vydh genowgh.’

Ezra 7:5

mab Abishua, mab Finehas, mab Eleazar, mab Aron an pennoferyas:

Eksodus 6:25

Eleazar mab Aron, a gemmeras avel y wreg onan a vyrghes Putiel; ha hi a dhug dhodho Finehas. An re ma yw pennow teyluyow an Levysi herwydh aga theyluyow.

Yeremia 10:23

A Arloedh, my a woer nag yw fordh den yn-dann y rewl y honan: ny yll gour marwel, dell gerdh, gidya y gammow.

Dewteronomi 10:8

Y'n termyn na an Arloedh a dhibarthas loeth Levi dhe dhegi argh kevambos an Arloedh, dhe sevel a-rag an Arloedh dh'y servya ha dhe venniga yn y hanow bys y'n jydh hedhyw.

Dewteronomi 18:5

Rag an Arloedh dha Dhuw re'n dewisas yn-mes a'th loethow oll, dhe sevel ha dhe servya yn hanow an Arloedh, ev ha'y vebyon bys vykken.

Yoshua 22:13

Ena an Ysraelysi a dhannvonas an oferyas Finehas mab Eleazar dhe bow Gilead dhe'n Rewbenysi ha'n Gadysi ha dhe hanter-loeth Manasse,

Yoshua 24:33

Eleazar mab Aron a verwis, hag i a'n ynkleudhyas yn Gibea a veu res dh'y vab Finehas yn bro venydhyek Efraym.

Yoshua 7:7

Yoshua a leveris, ‘Eghan, Arloedh Duw, prag y tresys an bobel ma dres an Yordan rag agan ri yn leuv an Amorysi dhe vos distruys? Unnweyth a pen ni pes da ow triga a'n tu arall dhe'n Yordan!

Breusysi 1:2

An Arloedh a worthybis, ‘Yth a Yuda yn-bann; otta, my re ros an tir yn y leuv.’

Breusysi 19:16

Ena y'n gorthugher yth esa gour koth ow tos dhiworth y lavur y'n mes. A vro venydhyek Efraym yth o an gour, hag yth esa trigys yn Gibea (pobel an tyller o Benyaminysi).

Breusysi 7:9

Y'n keth nos an Arloedh a leveris dhodho, ‘Sa'bann hag omsett erbynn an kamp; rag my re'n ros y'th leuv.

1 Samuel 14:37

Ytho Sowl a wovynnas kusul a-dhiworth Duw, ‘A wrav vy mos yn-nans war-lergh an Filistysi? A vynn'ta aga delivra yn dorn Ysrael?’ Mes ny'n gorthybis an jydh na.

1 Samuel 30:8

Ha Davydh a wovynnas orth an Arloedh, ha leverel, ‘A wrav vy helghya an bagas ma? A wrav vy aga hachya?’ Ev a worthybis dhodho, ‘Helgh, rag ty a wra yn sur aga hachya ha heb falladow sawya an brisnoryon.’