Breusysi 20:23 - An Bibel Kernewek 20234 (Kernewek Kemmyn)

²³ An Ysraelysi eth yn-bann hag a oelas a-rag an Arloedh bys y'n gorthugher; hag a wovynnas a'n Arloedh, ‘A dheun nes arta dhe vatalyas orth agan breder an Benyaminysi?’ Ha'n Arloedh a leveris, ‘Kewgh yn-bann er aga fynn.’

Breusysi 20:23 ပူးပေါင်းရင်းမြစ်များ

2 Samuel 3:35

Ena oll an bobel a dheuth dhe wul dhe Davydh dybri boes pan o hwath dydh; mes Davydh a dos, ha leverel, ‘Yndella re wrello Duw dhymm, ha moy ynwedh, mar plasav bara po neppyth arall kyns an howl dhe sedhi!’

Hosea 5:15

My a wra mos ha dehweles dhe'm tyller, bys mayth aswonnons aga offens, ha hwilas ow fas; yn aga ahwer i a'm hwila dihwans.

Yoshua 7:6

Yoshua a skwardyas y vantell ha koedha dhe'n dor war y fas a-dherag argh Arloedh bys y'n gorthugher, ev ha henavogyon Ysrael; i a dewlis doust war aga fenn.

Yoshua 7:7

Yoshua a leveris, ‘Eghan, Arloedh Duw, prag y tresys an bobel ma dres an Yordan rag agan ri yn leuv an Amorysi dhe vos distruys? Unnweyth a pen ni pes da ow triga a'n tu arall dhe'n Yordan!

Breusysi 1:1

Wosa mernans Yoshua, mebyon Ysrael a wovynnas orth an Arloedh ow leverel, ‘Piw a yn-bann ragon erbynn an Kananysi yn kynsa, dhe omladh er aga fynn?’

Breusysi 20:18

An Ysraelysi a dhallathas mos yn-bann dhe Bethel, may hwovynnsons a Dhuw, ‘Piw ahanan a yn-bann yn kynsa rag batalyas orth an Benyaminysi?’ Ha'n Arloedh a worthybis, ‘Yuda a yn-bann yn kynsa.’

Breusysi 20:22

Mebyon Ysrael a omgrevhas, hag arta i a arayas aga honan rag kas y'n keth tyller mayth araysens an kynsa dydh.

Breusysi 20:24

Yndella mebyon Ysrael eth yn-rag erbynn an Benyaminysi an nessa dydh.

Breusysi 21:2

Ha'n bobel a dheuth dhe Bethel, hag a esedhas ena bys y'n gorthugher a-rag Duw, hag i a sevis aga lev hag a oelas yn hwerow,

1 Samuel 10:3

Ha ty a dremen pella alena, ha ty a dheu dhe dherwenn Tabor, hag ena, tri gour a wra dha dhyerbynna, ow mos yn-bann dhe Dhuw, yn Bethel, onan anedha ow toen tri mynn, hag onan ow toen teyr thorth bara, hag onan ow toen botellas a win.

1 Samuel 11:4

An kannasow a dheuth dhe Gibea a Sowl, ha derivas an geryow yn skovornow an bobel; hag oll an bobel a dhrehevis aga lev, hag oela yn ughel.

1 Samuel 7:6

Hag i a omguntellas war-barth yn Mispa, ha tenna dowr ha'y dhinewi yn-mes a-dherag an Arloedh. I a benysas y'n jydh na, ha leverel, ‘Ni re beghas erbynn an Arloedh.’ Ha Samuel a vreusi mebyon Ysrael yn Mispa.