Breusysi 20:13 - An Bibel Kernewek 20234 (Kernewek Kemmyn)

¹³ Lemmyn daskorrewgh an dhrogwesyon yn Gibea, rag ma's lytthyn ha kartha an drog yn-mes a Ysrael.’ Mes ny vynna an Benyaminysi goslowes orth aga breder, mebyon Ysrael.

Breusysi 20:13 ပူးပေါင်းရင်းမြစ်များ

2 Samuel 20:1

Y hwarva bos gour Belial ena, ha'y hanow Sheba mab Bikri, Benyaminyas. Ev a hwythas an hirgorn ha garma, ‘Nyns eus dhyn rann vyth yn Davydh, na eretons yn mab Yesse. Pub gour dh'y dylda, A Ysrael!’

2 Samuel 23:6

Mes an vilens a vydh oll avel dreyn yw tewlys dhe-ves, rag ny yllir aga hemmeres y'n leuv;

1 Myghternedh 21:13

An dhew vilen a dheuth a-ji hag esedha a-dal dhodho; ha'n vilens a dhustunias erbynn Naboth yn lok an bobel, ow leverel, ‘Naboth a vollethis Duw ha'n myghtern.’ Ytho i a'n dug yn-mes a'n sita ha'y labydha bys y'n mernans.

2 Kroniklys 13:7

ha bagas a goeg vilens a omguntellas a-dro dhodho hag a dhefias Rehoboam mab Solomon, pan o Rehoboam yowynk ha heb prevyans, ha ny veu krev lowr dhe sevel orta.

2 Kroniklys 25:16

Mes hag ev ow kewsel an myghtern a leveris dhodho, ‘A'th wrussyn kusulyador ryel? Hedh! Prag y tegoedh ty dhe vos ledhys?’ An profoes a hedhis, mes y leveris, ‘My a woer Duw dhe ervira dha dhistrui, drefenn ty dhe wul hemma ha drefenn na woslewsys orth ow husul.’

2 Kroniklys 25:20

Mes ny woslowas Amasia; rag bos hemma dhiworth Duw, dh'aga ri yn leuv Yoash, rag i dhe hwilas duwow Edom.

Lavarow Koth 29:1

Gour neb yw keredhys fest yn fenowgh, hag a bes kales y gilbenn, a vydh brewys distowgh, ha ny vydh eli.

Ekklesiastes 11:10

Gwra dannvon sorr yn-mes a'th kolonn, ha dannvon drog yn-mes a'th kig, rag euveredh yw flogholeth ha yowynkneth.

Hosea 10:9

A-dhia dhydhyow Gibea y peghsys, a Ysrael; ena y sevsons. A ny wrug bresel drehedhes dhe'n dhrogoberoryon yn Gibea?

Hosea 9:9

Galsons down yn podredhes, avel yn dydhyow Gibea. Ev a berth kov a'ga hammhynseth, ha kessydhya aga feghosow.

Romanyon 1:32

Kyn hwodhons ordenans Duw may tegoedh an mernans dhe'n re a wra taklow a'n par ma, ny's gwrons yn unnsel mes plegadow gansa yw an re a's gwra.

1 Korinthianys 5:13

Duw a vreus an re a-ves. ‘Tewlewgh an tebelwas yn-mes ahanowgh agas honan.’

2 Korinthianys 6:15

Ha py kessenyans eus dhe Grist gans Beliar, po py rann eus dhe gryjyk gans diskryjyk?

Dewteronomi 13:13

bos gwer bilyek sevys yntredhowgh, hag i re dhynyas trigoryon aga thre, ow leverel, ‘Deun ha servyn duwow erell’, na's aswonnsys,

Dewteronomi 13:5

An profoes na, po an hunroser na a hunrosow, a vydh gorrys dhe'n mernans, rag ev dhe gewsel rebellyans erbynn an Arloedh agas Duw neb a'gas dros yn-mes a bow Ejyp ha dha dhasprena dhiworth an chi a gethneth, dhe'th tynya dhiworth an fordh a wrug an Arloedh dha Dhuw gorhemmynna dhis, dhe gerdhes ynni. Yndella ty a garth an drog yn-mes ahanowgh.

Dewteronomi 13:6

Mara'th tynnyo yn-dann gel dha vroder, mab dha vamm, po dha vab, po dha vyrgh, po gwreg dha askra, po dha gothman yw kepar ha'th enev dha honan, ow leverel, ‘Deun ha servyn duwow erell’, na aswonnsys jy na'th tasow,

Dewteronomi 17:12

An gour a lavas disobaya an oferyas neb a sev dhe venystra ena dhe'n Arloedh dha Dhuw, po an breusyas – an gour na a verow. Yndella ty a garth an drog dhiworth Ysrael.

Dewteronomi 17:7

Leuv an dhustunioryon a vydh kynsa warnodho dh'y ladha, ha leuv oll an bobel a-wosa. Yndella ty a garth an drog yn-mes ahanowgh.

Dewteronomi 19:19

ena y hwrewgh dhodho ev kepar dell vynnas gul dh'y vroder. Yndella ty a garth an drog a-dhiworthowgh.

Dewteronomi 21:21

Ena oll gwer y dre a'n labydh gans meyn, may farwo. Yndella ty a garth an drog a-dhiworthowgh, hag oll Ysrael a glew, ha perthi own.

Dewteronomi 22:21

ena i a dhre an vyrgh yn-mes dhe dharas chi hy thas, ha gwer hy thre a's labydh gans meyn may farwo, drefenn hi dhe wul outray yn Ysrael, ow pos hora yn chi hy thas. Yndella ty a garth an drog a-dhiworthowgh.

Dewteronomi 22:24

hwi a's dre aga dew dhe yet an dre na, ha'ga labydha gans meyn may farwons, an vyrgh drefenn na armas y'n dre, ha'n gour drefenn ev dhe uvelhe gwreg y gentrevek. Yndella ty a garth an drog a-dhiworthowgh.

Dewteronomi 24:7

Mars eus gour kevys ow tenladra onan a'y vreder, mebyon Ysrael, ha'y dhyghtya avel kethwas ha'y wertha, ena an lader na a verow. Yndella ty a garth an drog a-dhiworthowgh.

Breusysi 19:22

Pan esens ow lowenhe, gwer an sita, tebelwesyon, a gylghyas an chi hag a dhallathas frappya war an daras. I a leveris dhe'n kothwas, mester an chi, ‘Dro yn-mes an gour a dheuth y'th chi rag may hyllyn kesya ganso.’

Breusysi 20:12

Loethow Ysrael a dhannvonas gwer der oll loeth Benyamin, ow leverel, ‘Pyth yw an droktra ma re beu gwrys yn agas mysk?

Breusysi 20:14

An Benyaminysi a omguntellas war-barth yn-mes a'n trevow dhe Gibea, rag mos yn-mes dhe vatalyas orth mebyon Ysrael.

1 Samuel 2:25

Mar pegh unn gour erbynn gour arall, Duw a vreus yntredha; mes mar pegh gour erbynn an Arloedh, piw a vydh an pledyas ragdho?’ Mes ny woslowsons orth lev aga thas; drefenn bos bodh an Arloedh aga ladha.

1 Samuel 30:22

Ena oll an debeles, ha gwer Belial yn mysk an wer neb eth gans Davydh a leveris, ‘Drefenn na wrussons mones genen, ny wren ni ri dhedha travyth a'n preydh daskevys genen, saw pub gour a yll kemmeres y wreg ha'y fleghes hag omdenna.’