Breusysi 2:18 - An Bibel Kernewek 20234 (Kernewek Kemmyn)

¹⁸ Peskweyth may trehevi an Arloedh breusysi ragdha, yth esa an Arloedh gans an breusyas, hag ev a wre aga sawya dhiworth diwla aga eskerens oll dydhyow an breusyas; rag an Arloedh a gemmeri truedh drefenn aga hanasa dre reson an re a wre aga duwenhe ha'ga gwaska.

Breusysi 2:18 ပူးပေါင်းရင်းမြစ်များ

Jenesis 6:6

Ha'n Arloedh a repentyas ev dhe wul mab-den war an nor, ha grevys veu yn y golonn.

2 Myghternedh 13:4

Ha Yehoahaz a bledyas gans an Arloedh, ha'n Arloedh a woslowas orto; rag ev a welas arwask Ysrael, fatell y's arweski myghtern Aram.

Salmow 12:5

‘Drefenn an voghosogyon dhe vos ravnys, drefenn kynvann an edhommogyon, lemmyn my a sev’, yn-medh an Arloedh; ‘my a'n gorr y'n sawder a yeun ev.’

Salmow 90:13

Dehwel, A Arloedh; pygemmys prys? Bydh truedhek orth dha wesyon.

Eksodus 2:24

ha Duw a glewas aga hynvann ha Duw a borthas kov a'y gevambos gans Abraham, gans Ysak, ha gans Yakob.

Eksodus 3:12

Ev a leveris, ‘Yn sur, my a vydh genes; ha hemma a vydh tokyn dhis my dhe'th tannvon: pan dhresys an bobel yn-mes a Ejyp, ty a wra servya Duw war an menydh ma.’

Eksodus 32:14

Ha'n Arloedh a'n jevo edrek a'n drog a brederi gul dh'y bobel.

Hosea 11:8

Fatell y'th hepkorrav, Efraym? Fatell y'th taskorrav, Ysrael? Fatell y'th wrav avel Adma? Fatell y'th hworrav avel Seboim? Ow holonn re dreylyas a-ji dhymm, oll ow thruedh re dhewis.

Yona 3:10

Ha Duw a welas aga oberow, i dhe dreylya dhiworth aga fordh dhrog; ha Duw a gemmeras edrek a'n drog a lavarsa ev dhe wul dhedha; ha ny'n gwrug.

Niverow 10:9

Ha pan ewgh dhe vresel war agas tir erbynn an eskar a wra agas beghya, hwi a wra hwytha gwarnyans gans an hirgern, may fowgh kovhes a-rag an Arloedh agas Duw, hag yndellma hwi a vydh sawys a'gas eskerens.

Dewteronomi 32:36

Rag an Arloedh a vreus y bobel, ha kemmeres pita a'y servysi, pan wel aga nerth dhe vos gyllys, ha nag eus nagonan gesys, keth na rydh.

Yoshua 1:5

Ny sev gour vyth er dha bynn oll dydhyow dha vewnans. Kepar dell en vy gans Moyses, my a vydh genes jy; ny wrav dha eskasa na'th forsakya.

Breusysi 10:16

Yndella i a bellhas an duwow estren yn-mes anedha hag a servyas an Arloedh; ha ny allas ev perthi poenvos Ysrael na fella.

Breusysi 11:32

Yndella Yefthagh a dremenas dhe'n Ammonysi rag omladh er aga fynn; ha'n Arloedh a's ros yn y leuv.

Breusysi 2:19

Mes pan verwis breusyas, i a dreylya war-dhelergh ha bos moy tebel es aga thasow, owth holya duwow erell, orth aga servya ha plegya dhedha. Ny wrussons gasa aga gwriansow na'ga fordhow gorth.

Breusysi 3:9

Mes pan grias mebyon Ysrael dhe'n Arloedh, an Arloedh a dhrehevis delivrer rag mebyon Ysrael, neb a's delivras, Othniel mab Kenaz, broder yowynka Kaleb.

Breusysi 6:12

el an Arloedh a omdhiskwedhas dhodho hag a leveris dhodho, ‘Yma an Arloedh genes, kasor galloesek.’

Breusysi 6:16

An Arloedh a leveris dhodho, ‘My a vydh genes, ha ty a wysk yn-nans an Midyanysi, yn kettep penn anedha.’