Breusysi 2:17 - An Bibel Kernewek 20234 (Kernewek Kemmyn)

¹⁷ Mes hwath ny woslowens orth aga breusysi, mes yth esens ow horya war-lergh duwow erell ha plegya dhedha; i a dreylya yn skon a-dhiworth an fordh may kerdhi aga thasow, neb re beu gostydh dhe worhemmynnow an Arloedh, ha ny wrens yndella.

Breusysi 2:17 ပူးပေါင်းရင်းမြစ်များ

Salmow 106:39

Yndella i a veu mostys yn aga gwriansow aga honan, hag i a omdhug avel horys yn aga gwriansow.

Salmow 106:43

Lieskweyth ev a's delivras, mes i a rebellyas erbynn y gusul, hag a veu dres isel yn aga hammweyth.

Salmow 73:27

Rag otta, an re usi pell dhiworthis a dhe goll; ty re dhistruis oll an re a wra horyans er dha bynn.

Eksodus 32:8

i re dreylyas a-denewen yn uskis a'n fordh a worhemmynnis dhedha; i re wrug dhedha leugh teudh, ha'y wordhya ha sakrifia dhodho, ha leverel, “An re ma yw dha dhuwow, A Ysrael, a'th tros yn-mes a bow Ejyp.” ’

Yeremia 3:6

An Arloedh a leveris dhymm ynwedh yn dydhyow Yosia an myghtern: A welsys an taklow dislel a wrug Ysrael? Hi yw yskynnys war bub menydh ughel hag yn-dann bub wydhenn las, hag ena hi re horyas.

Yeremia 6:16

Yndellma y lever an Arloedh, Sevewgh war an fordhow, ha mirewgh ha hwilewgh an hynsyow koth, le mayth yw da an fordh; ha kerdhes ynni ha hwi a gyv powes dh'agas enevow. Mes yn-medhons, ‘Ny vynnyn kerdhes ynni.’

Hosea 2:2

Kuhudhewgh agas mamm, kuhudhewgh: rag nyns yw hi ow gwreg, ha nyns ov vy hy gour. Kemmeres hi hy dijastita mes a'y golok, ha'y avoutri dhiworth hy diwvronn,

Levitikus 17:7

Ytho ny wrons i na fella sakrifia aga sakrifisow dhe jevanow-gaver may horyons war aga lergh. Hemma a vydh ordenans bys vykken ragdha der oll aga henedhow.

Amos 2:4

Yndellma y lever an Arloedh: Rag tri hammweythres a Yuda, ha rag peswar, ny wrav vy hepkorr an kessydhyans; drefenn i dhe skonya lagha an Arloedh, ha ny withsons y ordenansow, mes aga fals dhuwow re wrug dhedha sowdhanas, may kerdhas aga thasow war aga lergh.

Galatianys 1:6

Marth a'm beus drefenn hwi dhe gildenna mar uskis a-dhiworto ev neb a'gas gelwis yn gras Krist war-tu ha ken aweyl,

Dewteronomi 31:16

Ha'n Arloedh a leveris dhe Moyses, ‘Otta, ty a gosk gans dha dasow, ha'n bobel ma a dhrehav ha horya war-lergh duwow astranj an tir mayth ons dhi yn aga mysk. I a'm forsak ha terri ow hevambos a wrugavy gansa.

Dewteronomi 31:18

My a gudh ow fas sertan y'n jydh na, drefenn oll an drog re wrussons, ow treylya dhe dhuwow erell.

Dewteronomi 9:12

Ena an Arloedh a leveris dhymm, ‘Sav, diyskynn uskis a'n tyller ma; rag dha bobel hag a dhresys yn-mes a Ejyp, re omdhefolas; i re dreylyas toeth da dhiworth an fordh a worhemmynnis dhedha; i re wrug ragdha aga honan imaj teudh.’

Dewteronomi 9:16

My a viras, hag otta, hwi re wrussa pegha erbynn an Arloedh agas Duw, ha gul ragowgh leugh teudh; y hwrussewgh treylya toeth da dhiworth an fordh a wrug an Arloedh gorhemmynna dhywgh.

Yoshua 24:24

Yn-medh an bobel dhe Yoshua, ‘An Arloedh agan Duw a servyn, ha ni a woslow orth y lev.’

Yoshua 24:31

Ysrael a servyas an Arloedh oll dydhyow Yoshua, hag oll dydhyow an henavogyon a vewas pella es Yoshua ha re wodhva oll an ober a wrug an Arloedh rag Ysrael.

Breusysi 2:7

An bobel a servya an Arloedh dres oll dydhyow Yoshua, ha dres oll dydhyow an henavogyon a vewas pella es Yoshua, neb a welsa oll an ober meur a wrug an Arloedh a-barth Ysrael.

Breusysi 8:33

Kettell veu Gideon marow, mebyon Ysrael a dreylyas hag a farya avel horys gans an Baalim, ow kul Baal-berith aga duw

1 Samuel 12:12

Ha pan welsowgh bos Nahash myghtern an Ammonysi ow tos er agas pynn, hwi a leveris dhymm, “Nansi, mes myghtern a reyn warnan”, kynth o an Arloedh agas Duw agas myghtern.

1 Samuel 12:17

A nyns yw trevas an gwaneth hedhyw? My a elow dhe'n Arloedh, hag ev a dhannvon taran ha glaw; ha hwi a gonvedh ha gweles bos agas sherewynsi bras, re wrussowgh yn golok an Arloedh, dhe wovynn myghtern ragowgh.’

1 Samuel 12:19

Oll an bobel a leveris dhe Samuel, ‘Pys war an Arloedh dha Dhuw rag dha wesyon, rag na verwyn; rag ni re geworras dhe oll agan peghosow an drog ma, dhe wovynn myghtern ragon.’