Breusysi 2:15 - An Bibel Kernewek 20234 (Kernewek Kemmyn)

¹⁵ Peskweyth may kerdhens yn-mes, leuv an Arloedh o er aga fynn a-barth droktra kepar dell lavarsa an Arloedh ha kepar dell dos ev ti; hag yth esens yn tebel studh.

Breusysi 2:15 ပူးပေါင်းရင်းမြစ်များ

2 Kroniklys 12:1

Pan veu fastys myghterneth Rehoboam hag ev o gyllys krev, ev a forsakyas lagha an Arloedh, ev hag oll Ysrael ganso.

Yeremia 18:8

mar treyl an genedhel na, a gewsis er hy fynn, a-dhiworth hy drogedh, my a gyv edrek a'n drogedh a vynnis y wul dhedhi.

Yeremia 21:10

Rag my re worras ow fas erbynn an sita ma rag drog, a-der rag da, yn-medh an Arloedh: res vydh yn dorn myghtern Babylon, hag ev a's lesk gans tan.

Yeremia 44:11

Rakhenna yndellma y lever Arloedh an luyow, Duw Ysrael: Otta, my a sett ow fas er agas pynn rag drogedh ha dhe dhistrui Yuda oll.

Yeremia 44:27

Otta, my a with warnedha rag drog a-der dader; pub gour a Yuda usi yn pow Ejyp a vydh distruys gans an kledha ha gans an divoetter, bys pan vo diwedh anedha.

Mika 2:3

Rakhenna, yndellma y lever an Arloedh: Otta, erbynn an teylu ma yth esov vy ow tevisya drogedh, ma na yllowgh hwi kildenna agas konna anodho; ha ny gerdhowgh howtyn, rag y fydh termyn a dhroktra.

2 Korinthianys 4:8

yn-dann alar yn pub maner, nyns on ni yn ahwer; penndegys, nyns eson ni yn desper;

Dewteronomi 18:20

Byttegyns an profoes neb a lavas kewsel geryow y'm hanow na worhemmynnis dhodho aga hewsel, po neb a gews yn hanow duwow erell, an profoes na a verow.’

Breusysi 10:9

An Ammonysi ynwedh a dreusis an Yordan rag omladh erbynn Yuda, erbynn Benyamin, hag erbynn chi Efraym; yndella Ysrael a berthi ahwer meur.

Ruth 1:13

a wrussewgh hwi aga gortos bys pan vons i tevesik? A wrussewgh hwi agas omwitha a-ji, heb kavoes gour? Na, ow myrghes, rag pur hwerow yw dhymm a-barth dhywgh, bos leuv an Arloedh ystynnys er ow fynn.’

1 Samuel 12:15

mes mar ny woslewowgh orth lev an Arloedh, mes rebellya erbynn arghadow an Arloedh, ena leuv an Arloedh a dheu er agas pynn, kepar dell veu erbynn agas tasow.

1 Samuel 13:6

Pan welas gwer Ysrael aga bos yn ahwer (rag an lu o gweskys kales), ena an bobel a omgudhas aga honan yn kavow hag yn tell hag yn karregi hag yn bedhow hag yn dowrarghow.

1 Samuel 14:24

An Ysraelysi o grevys an jydh na, drefenn Samuel dhe worra ti war an bobel ow leverel, ‘Mollothek re bo an gour neb a dheber boes kyns gorthugher dhe dhos, kyns my dhe dyli dial war ow eskerens.’ Ytho ny dastyas denvyth a'n bobel boes vyth.

1 Samuel 30:6

Ha Davydh o grevys yn feur; rag an bobel a gewsis a'y labydha, drefenn bos oll an bobel hwerow y'n enev rag aga mebyon ha myrghes. Mes Davydh a gavas nerth y'n Arloedh y Dhuw.