Breusysi 2:14 - An Bibel Kernewek 20234 (Kernewek Kemmyn)

¹⁴ Ytho sorr an Arloedh a loskas erbynn Ysrael, hag ev a's daskorras dhe ladron, neb a's pyllas; hag ev a's gwerthas yn diwla aga eskerens a-dro dhedha, ma na yllens sevel pella erbynn aga eskerens.

Breusysi 2:14 ပူးပေါင်းရင်းမြစ်များ

2 Samuel 24:1

Arta sorr an Arloedh a dhewis erbynn Ysrael, hag ev a vovyas Davydh er aga fynn ha leverel, ‘Ke ha nivera Ysrael ha Yuda.’

2 Samuel 7:11

hag a-dhia'n jydh may settis breusysi war ow fobel Ysrael; ha my a re dhis powes dhiworth oll dha eskerens. Ynwedh an Arloedh a dhiskler dhis an Arloedh dhe vynnes gul chi ragov.

2 Myghternedh 13:3

Sorr an Arloedh a dhewis erbynn Ysrael, hag ev a's delivras a-berth yn leuv Hazael myghtern Aram, hag a-berth yn leuv Ben-hadad mab Hazael, dres nebes blydhynyow.

2 Myghternedh 17:20

An Arloedh a skonyas oll henedh Ysrael, ha'ga hessydhya ha'ga gorra yn leuv preydhoryon, bys pan re's tewlsa mes a'y wel.

2 Kroniklys 15:5

Y'n termynyow na, ny ylli tus mos yn-mes na dos a-ji yn sawder, drefenn an deray bras esa war oll trigoryon an tiryow.

2 Kroniklys 28:5

Rakhenna an Arloedh y Dhuw a'n ros yn leuv myghtern Aram; i a'n fethas hag a gemmeras yn kethneth myns bras a'y dus hag a's dros dhe Damaskus. Ev a veu res ynwedh yn leuv myghtern Ysrael neb a'n fethas gans ladhva veur.

2 Kroniklys 36:16

mes i a wre ges a gannasow Duw, ow tispresya y eryow, hag ow skornya y brofoesi, bys pan o gyllys konnar an Arloedh orth y bobel mar vras, ma nag esa remedi.

Nehemia 9:27

Ytho ty a's ros yn leuv aga eskerens, hag i a's arwaskas. Mes yn termyn aga ahwer, i a grias dhis, ha ty a's klewas dhiworth nev, ha herwydh dha druedh bras ty a ros dhedha selwadoryon neb a's sawyas dhiworth leuv aga eskerens.

Salmow 44:11

Ty re'gan ros avel deves dhe vos dybrys, ha re'gan skattras yn mysk an kenedhlow.

Salmow 44:12

Ty a werthas dha bobel a dravyth, ha dhiworth aga fris ny gemmersys prow.

Ysay 42:24

Piw a ros Yakob dhe'n ravner, hag Ysrael dhe'n ladron? A ny veu an Arloedh er y bynn may peghsyn? Ny vynnsons kerdhes yn y fordhow, ha ny vynnsons bos gostydh dh'y lagha.

Ysay 50:1

Yndellma y lever an Arloedh: Ple'ma testenn torrva demmedhyans dha vamm, gensi ma's gorris dhe-ves? Po py a'm kresysoryon yw dhodho ma'th werthis vy? Otta, drefenn dha beghosow y feus gwerthys, ha rag dha dreuspassow y feu dha vamm gorrys dhe-ves.

Yeremia 37:10

Hwath mar fethsowgh lu kowal an Kaldeanys a omladh er agas pynn, ha ny wortas marnas gwer wanyes, pubonan yn y dylda, i a sev ha leski an sita ma gans tan.

Levitikus 26:17

Ha my a sett ow fas er agas pynn, ha hwi a vydh gweskys dherag agas eskerens. An re a'gas kas a rewl warnowgh, ha hwi a fi pan na'gas siw denvyth.

Levitikus 26:28

ena my ynwedh a gerdh kontrari dhywgh hwi, ha my ynwedh a wra agas kessydhya seythgweyth rag agas peghosow.

Levitikus 26:37

Hag i a goedh an eyl war y gila, kepar ha pan ve dherag kledha pan na's siw denvyth; ha ny'gas bydh galloes dhe sevel dherag agas eskerens.

Niverow 32:13

Ha sorr an Arloedh a dhewis erbynn Ysrael, hag ev a wrug dhedha gwandra y'n gwylvos dew-ugens blydhen, bys pan veu gorfennys oll an henedh re wrussa drog yn golok an Arloedh.

Niverow 32:14

Hag otta, hwi re sevis yn le agas tasow, bagas a beghadoryon, dhe gressya hwath moy sorr fers an Arloedh erbynn Ysrael.

Dewteronomi 28:20

An Arloedh a dhannvon warnas molleth, ha skruth, ha keredh yn pup-tra may hworrydh dha leuv warnodho bys pan vydhydh distruys, ha bys pan edh dhe goll yn tromm, drefenn droktra dha wryth, orth ow forsakya.

Dewteronomi 28:25

An Arloedh a wra dhis bos fethys gans dha eskerens. Yth edh yn-mes er y bynn yn unn fordh ha fia yn seyth fordh a-ragdho, ha ty a vydh euth dhe oll kenedhlow an norvys.

Dewteronomi 28:58

Mar ny waytydh gul oll geryow an lagha ma yw skrifys y'n lyver ma, ow perthi own a'n hanow gloryus hag euthyk ma, an Arloedh dha Dhuw,

Dewteronomi 32:30

Fatell allsa unn den chasya mil, po dew fesya deg mil, mar ny's gwerthas aga Harrek, ha'n Arloedh a's daskorras.

Yoshua 23:16

Mar kammdremenewgh erbynn kevambos an Arloedh agas Duw a worhemmynnis dhywgh, ha mars ewgh dhe servya duwow erell, hag omblegya dhedha, sorr an Arloedh a vydh ow leski er agas pynn, hag yth ewgh dhe goll dihwans dhiworth an tir da re ros dhywgh.’

Breusysi 1:19

Yth esa an Arloedh gans Yuda, hag ev a gemmeras an vro venydhyek; mes ny allas chasya dhe-ves trigoryon an plen drefenn bos dhedha charettow a horn.

Breusysi 1:34

An Amorysi a herdhyas mebyon Dan war-tu ha'n vro venydhyek, rag ny's assons i dhe dhiyskynna dhe'n plen.

Breusysi 10:7

Ytho sorr an Arloedh a dhewis erbynn Ysrael, hag ev a's gwerthas yn leuv an Filistysi hag yn leuv an Ammonysi,

Breusysi 2:20

Ytho sorr an Arloedh a loskas erbynn Ysrael; hag ev a leveris, ‘Rag an bobel ma dhe derri ow hevambos a worhemmynnis vy dh'aga thasow, ha ny woslowsons orth ow lev,

Breusysi 3:12

Ena mebyon Ysrael a wrug arta an pyth o drog yn golok an Arloedh, ha'n Arloedh a grevhas Eglon myghtern Moab erbynn Ysrael drefenn i dhe wul an pyth o drog yn golok an Arloedh.

Breusysi 4:2

Ytho an Arloedh a's gwerthas yn leuv Yabin myghtern Kanan esa ow reynya yn Hasor; kaslewydh y lu o Sisera, esa trigys yn Harosheth-ha-goyim.