Breusysi 19:22 - An Bibel Kernewek 20234 (Kernewek Kemmyn)

²² Pan esens ow lowenhe, gwer an sita, tebelwesyon, a gylghyas an chi hag a dhallathas frappya war an daras. I a leveris dhe'n kothwas, mester an chi, ‘Dro yn-mes an gour a dheuth y'th chi rag may hyllyn kesya ganso.’

Breusysi 19:22 ပူးပေါင်းရင်းမြစ်များ

1 Myghternedh 21:10

settyewgh dew vilen a-dal dhodho dhe dhustunia er y bynn, ow leverel, “Ty re vollethis Duw ha'n myghtern.” Ena degewgh e yn-mes, ha'y labydha bys y'n mernans.’

Ezekiel 16:46

Dha hwoer gottha yw Samaria, hi ha'y myrghes neb a drig a'n barth kledh dhis; ha'th hwoer yowynka neb a drig a'n barth dhyghow dhis yw Sodom ha'y myrghes.

Hosea 10:9

A-dhia dhydhyow Gibea y peghsys, a Ysrael; ena y sevsons. A ny wrug bresel drehedhes dhe'n dhrogoberoryon yn Gibea?

Hosea 9:9

Galsons down yn podredhes, avel yn dydhyow Gibea. Ev a berth kov a'ga hammhynseth, ha kessydhya aga feghosow.

1 Korinthianys 6:9

A ny wodhowgh hwi na wra drogoberoryon erita gwlaskor Duw? Na vedhewgh toellys! Na tus dhijast, na gordhyoryon idolys, nag avoutroryon, na'n re vedhel, na kethreydhelogyon,

2 Korinthianys 6:15

Ha py kessenyans eus dhe Grist gans Beliar, po py rann eus dhe gryjyk gans diskryjyk?

Dewteronomi 13:13

bos gwer bilyek sevys yntredhowgh, hag i re dhynyas trigoryon aga thre, ow leverel, ‘Deun ha servyn duwow erell’, na's aswonnsys,

Lyther Yud 1:7

kepar ha Sodom ha Gomorra ha'n sitys yn aga hyrghynn, a veu omres dhe'n keth dijastita hag ow mos war-lergh kig astranj, settys rag bysna yn aga hessydhyans gans tan heb diwedh.

Breusysi 16:25

Ha pan o aga holonn meri, i a leveris, ‘Galw Samson, ha didhanes ni.’ Yndella i a elwis Samson yn-mes a'n prison, hag ev a's didhanas. I a'n gwrug dhe sevel ynter an kolovenyow,

Breusysi 20:5

Gwer Gibea a sevis er ow fynn, hag a gylghyas an chi yn nos, ha'ga thowl o ow ladha, hag i a ravnas ow iswreg bys pan verwis.

Breusysi 20:6

Ena my a gemmeras ow iswreg hag a's troghas yntra rannow, hag a's dannvonas der oll pow eretons Ysrael, rag i re wrussa tra dhivlas yn Ysrael.

1 Samuel 1:16

Na gemmer dha vaghteth rag myrgh Belial, rag my re beu ow leverel yn-mes a'm preder meur ha'm poenvos oll an termyn ma.’

1 Samuel 10:27

Mes mebyon Belial a leveris, ‘Fatell yll an den ma agan sawya?’ Hag i a'n dispresyas, ha ni dhrosons dhodho ro. Mes tewel a wrug.

1 Samuel 2:12

Lemmyn mebyon Eli o mebyon Belial; ny aswonnens an Arloedh.

1 Samuel 25:25

Na wres ow arloedh, my a'th pys, gul vri a'n gour Belial ma, Nabal; rag kepar dell yw y hanow, yndella yw ev; Nabal yw y hanow, hag yma follneth ganso; mes my, dha vaghteth, ny welis vy gwer yowynk ow arloedh, neb a dhannvensys.