Breusysi 19:21 - An Bibel Kernewek 20234 (Kernewek Kemmyn)

²¹ Ytho ev a'n dros yn y ji hag a ros boes dhe'n asenes; i a wolghas aga dewdroes, hag a dybris hag eva.

Breusysi 19:21 ပူးပေါင်းရင်းမြစ်များ

Jenesis 18:4

Bedhes kyrghys neppyth a dhowr, ha golghewgh agas treys ha powes yn-dann an wydhenn,

Jenesis 43:24

Ha'n gour a dhros an wer a-bervedh yn chi Yosep ha ri dowr dhedha, hag i a wolghas aga threys; hag ev a ros boes dh'aga asenes.

2 Samuel 11:8

Ena Davydh a leveris dhe Uria, ‘Ke yn-nans dhe'th chi, ha golgh dha dhewdroes.’ Hag Uria eth yn-mes a ji an myghtern, ha ro dhiworth an myghtern a holyas war y lergh.

Luk 7:44

Ena ev a dreylyas dhe'n venyn ha leverel dhe Simon, ‘A welydh an venyn ma? My a dheuth y'th chi; ny resys dhymm dowr dhe'm treys, mes hi re beu ow klybya ow threys gans hy dagrow ha'ga sygha gans hy gols.

1 Timothi 5:10

gans dustuni a'y gwriansow da, mar magas fleghes, mar ros hi ostyans dhe estrenyon, mar kolghas treys an syns, mar kweresas an re yn anken, mar omros dhe bub gwrians da.

1 Samuel 25:41

Ha hi a sevis ha plegya dhe'n dor, gans hy fas orth an dor, ha leverel, ‘Otta, dha vaghteth yw kethes dhe wolghi treys gwesyon ow arloedh.’