Hag ev a erghis dhe'n kynsa ow leverel, ‘Pan dheffo Esaw ow broder er dha bynn ha govynn orthis, “Piw osta dhodho?” ha “Py tyller yth es'ta ow mos dhodho?” ha “Piw dhodho yth yw an re ma a-dheragos?”
Hag y teuth tremenyas dhe'n golusek, mes ny'n jevo an golonn dhe gemmeres a'y flokkys y honan na'y jatel dhe bareusi rag an tremenyas neb re dhothya dhodho, mes ev a gemmeras oenes an boghosek, ha'y fareusi rag an gour re dhothya dhodho.’
Ena y'n gorthugher yth esa gour koth ow tos dhiworth y lavur y'n mes. A vro venydhyek Efraym yth o an gour, hag yth esa trigys yn Gibea (pobel an tyller o Benyaminysi).
Ev a worthybis, ‘Yth eson ow tremena a Bethlehem yn Yuda dhe'n pella rannow a vro venydhyek Efraym, mayth esov vy anedhi. My re beu yn Bethlehem yn Yuda; hag yth esov ow mos dhe'm tre. Ny brofyas nebonan ow kemmeres yn y ji.