Breusysi 19:16 - An Bibel Kernewek 20234 (Kernewek Kemmyn)

¹⁶ Ena y'n gorthugher yth esa gour koth ow tos dhiworth y lavur y'n mes. A vro venydhyek Efraym yth o an gour, hag yth esa trigys yn Gibea (pobel an tyller o Benyaminysi).

Breusysi 19:16 ပူးပေါင်းရင်းမြစ်များ

Jenesis 3:19

Yn hwys dha fas ty a dheber bara, bys may tehwelli arta dhe'n dor; rag a henna ty a veu kemmerys: rag doust osta, ha dhe dhoust arta ty a dhehwel.’

Salmow 104:23

Den a yn-mes dh'y ober ha dh'y lavur bys y'n gorthugher.

Salmow 128:2

Rag ty a dheber frut dha lavur; gwynn dha vys, ha seweni ty a wra.

Lavarow Koth 13:11

Pyth kevys yn hast a leha, mes neb a guntell tamm ha tamm a'n ynkress.

Lavarow Koth 14:23

Yma gwayn yn pub lavur, mes kows an dhiwweus ny led saw unnsel dhe esow.

Lavarow Koth 24:27

Darbar dha ober a-ves, ha'y bareusi ragos y'n park, ha wosa henna drehav dha ji.

Ekklesiastes 1:13

ha my a settyas ow brys yn furneth dhe hwilas ha hwithra pup-tra re beu gwrys yn-dann nev. Beghus yw an ober re ros Duw dhe vebyon den, gans meur a daklow dhe wul.

Ekklesiastes 5:12

Hweg yw hun an gweythor, mar teber ev po boghes po meur; mes palster an den rych ny as dhodho koska.

Hosea 9:9

Galsons down yn podredhes, avel yn dydhyow Gibea. Ev a berth kov a'ga hammhynseth, ha kessydhya aga feghosow.

Efesianys 4:28

Neb a lader, na ladres namoy, mes gwres ev lavurya, owth oberi an dra dha gans y dhiwla y honan, may kaffo neppyth dhe ranna gans neb a'n jeffo edhomm.

2 Thessalonianys 3:10

Rag pan esen ni genowgh ynwedh, ni a worhemmynnis dhywgh: den mar ny vynn oberi, na wres ev dybri naneyl.

Breusysi 19:1

Y'n dydhyow na, pan nag esa myghtern yn Ysrael, neb Levyas, trigys y'n rannow pell a vro venydhyek Efraym, a gemmeras iswreg dhodho y honan a Bethlehem yn Yuda.

Breusysi 19:14

Yndella i a dremenas yn-rag hag i eth war aga fordh, ha'n howl a sedhis warnedha pan vons ogas dhe Gibea, yw dhe Benyamin.

Breusysi 19:15

I a dreylyas a-denewen ena, rag entra ha spena an nos yn Gibea. Ev a entras hag a esedhas yn plen an sita, mes ny's kemmeras nagonan rag spena an nos.

Breusysi 19:17

Pan viras an kothwas war-vann hag a welas an tremenyas yn plen an sita, ev a leveris, ‘Ple'th esos ow mos hag a-ble osta devedhys?’