Breusysi 19:10 - An Bibel Kernewek 20234 (Kernewek Kemmyn)

¹⁰ Mes ny vynna an gour spena an nos ena; ev a sevis yn-bann ha mos, hag a dheuth a-dal Yebus (honn yw Yerusalem). Yth esa ganso dew asen dibrys, hag yth esa y iswreg ganso.

Breusysi 19:10 ပူးပေါင်းရင်းမြစ်များ

2 Samuel 5:6

An myghtern ha'y wer eth dhe Yerusalem erbynn an Yebusysi, trigoryon an tir na, hag i a armas dhe Davydh, ‘Ny yllydh entra omma, rag an dhellyon ha'n re glof a yll dha bellhe.’ Rag i a dybi, ‘Ny yll Davydh entra omma.’

Yoshua 15:63

Mes ny allas mebyon Yuda fesya an Yebusysi, trigoryon Yerusalem; ytho yma an Yebusysi trigys gans mebyon Yuda yn Yerusalem bys y'n jydh ma.

Yoshua 15:8

Ena an or eth yn-bann dre nans Mab-hinnom, dre leder dhyghow an Yebusysi (honn yw Yerusalem). Alena yth eth yn-bann dhe wartha an menydh a'n howlsedhes dhe nans Hinnom orth diwedh nans Refaim a'n barth kledh.

Yoshua 18:28

Sela, Elef, Yebus (honn yw, Yerusalem), Gibea ha Kiryath-yearim: peswardhek sita gans aga godrevow. Hemm yw eretons loeth Benyamin war-lergh aga theyluyow.

Breusysi 1:8

Ytho mebyon Yuda a omladhas erbynn Yerusalem, hag a's kemmeras, ha'y gweskel gans min an kledha, ha settya tan y'n sita.

Breusysi 19:9

Pan sevis an gour ha'y iswreg ha'y was dhe vos, y hwegron, tas an vowes, a leveris dhodho, ‘Mir, galsa, an jydh yn-rag bys pan yw hi gorthugher ogasti. Spenewgh an nos. Mir, deuva an jydh dh'y dhiwedh. Spen an nos omma ha lowenha. A-vorow hwi a yll sevel myttin a-varr rag agas vyaj, ha mos tre.’