Breusysi 18:7 - An Bibel Kernewek 20234 (Kernewek Kemmyn)

⁷ An pymp gour eth yn-rag, ha pan dheuthons dhe Laish, i a welas an bobel esa ena ow pewa gans diagha herwydh gis tus Sidon, kosel ha digeudh, heb edhomm a dravyth war an norvys, ha dhedha rychys. Pell vons a dus Sidon, ha ny's teva kevrenn gans denvyth.

Breusysi 18:7 ပူးပေါင်းရင်းမြစ်များ

1 Myghternedh 1:6

Ny wrug y das y geredhi bythkweth ow leverel. ‘Prag re wruss'ta yndella?’ Hag ynwedh ev o pur deg y semlans; hag ev a veu dineythys nessa wosa Absalom.

1 Myghternedh 16:31

Ha par dell ve tra skav ragdho kerdhes yn peghosow Yeroboam mab Nebat, ev a gemmeras avel y wreg Yezebel myrgh Ethbaal myghtern an Sidonysi, hag ev eth ha servya Baal, ha'y wordhya.

1 Kroniklys 4:40

I a gavas peurva rych ha feyth ha'n tir o pur efan, kosel ha hebask. Kyns i dhe dhos, yth esa re a Ham trigys ena.

Yeremia 49:31

Sevewgh, kewgh yn-bann erbynn kenedhel attes, eus trigys yn tiagha, yn-medh an Arloedh, na's teves yetow na barrys, usi trigys hy honan.

Romanyon 13:3

Rag nyns yw an routers own dhe'n ober da mes dhe'n drogober. A vynnses jy bos heb own a'n galloes? Gwra an da, ha ty a' fydh gormola ganso.

Yoshua 19:47

Mes pan gollsons an tiredh ma, an Danysi eth yn-bann hag omladh erbynn Leshem, hag i a's kemmeras, ha'y gweskel gans min an kledha, ha'y erita, ha triga ynni. Dhe Leshem i a ros an hanow Dan war-lergh Dan aga thas.

1 Peder 2:14

po dhe rewloryon yw dannvenys ganso dhe gessydhya drogoberoryon, mes dhe wormel masoberoryon.

Diskwedhyans 18:7

Kepar dell wrug hi omwordhya ha bewa yn rychys, yndellma rewgh dhedhi payn hag ahwer, rag hi a leveris yn hy holonn, “My yw esedhys myghternes, ha nyns ov vy gwedhwes, ha ny welav ahwer.”

Breusysi 18:29

I a henwis an sita Dan war-lergh aga thas Dan, onan a vebyon Ysrael; mes hanow an sita a vedha Laish kyns.

Breusysi 18:6

An oferyas a worthybis, ‘Kewgh yn kres. Yma an negys a wrewgh a-rag an Arloedh.’

Breusysi 18:8

Pan dheuthons dh'aga breder yn Sora hag Eshtaol,

1 Samuel 3:13

Rag my re leveris dhodho, a verr spys my dhe vreusi y ji bys vykken, rag an kammweyth a wodhya, drefenn bos y vebyon ow molleth Duw, ha ny's lettyas.