Breusysi 18:30 - An Bibel Kernewek 20234 (Kernewek Kemmyn)

³⁰ Ena an Danysi a dhrehevis an imaj ragdha aga honan. Yonathan mab Gershom, mab Moyses, ha'y vebyon o oferysi rag loeth an Danysi bys y'n prys kethneth an tir.

Breusysi 18:30 ပူးပေါင်းရင်းမြစ်များ

2 Myghternedh 15:29

Yn dydhyow Pekagh myghtern Ysrael, y teuth Tiglath-pileser, myghtern Assyria, ha kemmeres Iyon, Abel-beth-maaka, Yanoagh, Kedesh, Hasor, Gilead, ha Galile, oll pow Naftali, ha'ga hemmeres yn keth dhe Assyria.

2 Myghternedh 17:18

Rakhenna an Arloedh o serrys yn feur orth Ysrael, ha'ga hemmeres mes a'y wel; nyns esa gesys saw unnsel loeth Yuda.

2 Myghternedh 17:20

An Arloedh a skonyas oll henedh Ysrael, ha'ga hessydhya ha'ga gorra yn leuv preydhoryon, bys pan re's tewlsa mes a'y wel.

2 Myghternedh 17:22

An Ysraelysi a gerdhas yn oll an peghosow a wrug Yeroboam; ny dreylsons dhiworta,

2 Myghternedh 17:23

bys pan worras an Arloedh Ysrael mes a'y wel, dell lavarsa ev der oll y wesyon an brofoesi. Yndella y feu Ysrael degys dhe-ves yn divroedh, yn-mes a'ga thiredh aga honan dhe Assyria, bys y'n jydh ma.

Eksodus 18:3

ha'y dew vab, ha hanow an eyl Gershom (rag y leveris ‘My re beu alyon yn tir estren’),

Eksodus 2:22

ha hi a dhineythis mab ha gelwel y hanow Gershom, rag y leveris, ‘Alyon re beuv yn bro estren.’

Eksodus 20:4

Na wra dhis imaj gravys, na furv vytholl a dravyth eus y'n nev a-vann, nag y'n nor a-woeles, nag y'n dowr yn-dann an nor;

Levitikus 26:1

Ny wrewgh ragowgh idolys, ha ny dhrehevowgh ragowgh imaj gravys na peulven, na settya men gravys war agas tir dhe omblegya dhodho, rag an Arloedh agas Duw ov vy.

Dewteronomi 27:15

‘Mollothek yw an gour neb a wra imaj gravys po imaj teudh, tra gasadow dhe'n Arloedh, ober diwleuv krefter, ha neb a'n sett yn-bann yn-dann gel.’ Ena oll an bobel a worthyp ow leverel, ‘Amen.’

Dewteronomi 31:16

Ha'n Arloedh a leveris dhe Moyses, ‘Otta, ty a gosk gans dha dasow, ha'n bobel ma a dhrehav ha horya war-lergh duwow astranj an tir mayth ons dhi yn aga mysk. I a'm forsak ha terri ow hevambos a wrugavy gansa.

Dewteronomi 31:29

Rag my a woer, wosa ow mernans, hwi dhe omlegri yn sur, ha treylya dhiworth an fordh a worhemmynnis dhywgh; drog a wra agas metya y'n dydhyow diwettha, drefenn hwi dhe wul drog a-wel dhe'n Arloedh, dh'y serri der ober agas diwla.’

Breusysi 13:1

Mebyon Ysrael a wrug an pyth o drog yn golok an Arloedh, ha'n Arloedh a's ros yn leuv an Filistysi dew-ugens blydhen.

Breusysi 17:3

Ena ev a dhaskorras an unnek kans bath a arghans dh'y vamm, ha'y vamm a leveris, ‘Sakra a wrav an arghans dhe'n Arloedh a'm leuv a-barth ow mab rag gul imaj gravys hag imaj teudh.’

Breusysi 17:5

An keth gour ma Mika a'n jevo y sentri y honan, hag ev a wrug efod ha terafim hag a sakras onan a'y vebyon, neb eth ha bos y oferyas.