Breusysi 18:29 - An Bibel Kernewek 20234 (Kernewek Kemmyn)

²⁹ I a henwis an sita Dan war-lergh aga thas Dan, onan a vebyon Ysrael; mes hanow an sita a vedha Laish kyns.

Breusysi 18:29 ပူးပေါင်းရင်းမြစ်များ

Jenesis 14:14

Ha pan glewas Abram bos y vroder kemmerys prisner, ev a guntellas y dus dyskys yn arvow, genys yn y ji ev, trihans hag etek aga niver ha'ga helghya bys yn Dan.

Jenesis 30:6

Ena yn-medh Raghel, ‘Duw re'm breusis; ynwedh ev re glewas ow lev, ha ri dhymmo mab.’ Ytho hi a elwis y hanow, Dan.

Jenesis 32:28

Hag yn-medh ev, ‘Ny vydh dha hanow gelwys Yakob namoy mes Ysrael, rag ty re strivyas gans Duw ha gans mab-den ha fetha.’

2 Samuel 17:11

Rakhenna, my a gusul, bedhes oll Ysrael kuntellys dhis, dhiworth Dan bys yn Beer-sheba, kepar ha'n tewes usi ryb an mor yn niver, ha ty dha honan ow mos y'n vatel.

1 Myghternedh 15:20

Ben-hadad a woslowas orth myghtern Asa, ha dannvon kaslewydhyon y luyow erbynn sitys Ysrael. Ev a fethas Iyon, Dan, Abel-beth-maaka, hag oll Kinneroth, gans tiredh oll Naftali.

Yeremia 8:16

Ronkow aga mergh a veu klewys a-dhiworth Dan: orth son kryghias aga mergh krev an tir kowal a grenas; i re dheuth ha gwastya an tir, ha pup-tra eus ynno: an sita ha'n re usi trigys ynni.

Dewteronomi 34:1

Ena Moyses a yskynnas dhiworth plenys Moab dhe venydh Nebo, penn Pisga, usi a-dal Yeriko. Ha'n Arloedh a dhiskwedhas dhodho oll an tir, Gilead bys Dan,

Yoshua 19:47

Mes pan gollsons an tiredh ma, an Danysi eth yn-bann hag omladh erbynn Leshem, hag i a's kemmeras, ha'y gweskel gans min an kledha, ha'y erita, ha triga ynni. Dhe Leshem i a ros an hanow Dan war-lergh Dan aga thas.

Breusysi 18:7

An pymp gour eth yn-rag, ha pan dheuthons dhe Laish, i a welas an bobel esa ena ow pewa gans diagha herwydh gis tus Sidon, kosel ha digeudh, heb edhomm a dravyth war an norvys, ha dhedha rychys. Pell vons a dus Sidon, ha ny's teva kevrenn gans denvyth.

Breusysi 20:1

Ena oll mebyon Ysrael a dheuth yn-mes, dhiworth Dan bys yn Beer-sheba, yn aga mysk pow Gilead, ha'n bobel a omguntellas yn unn bagas a-rag an Arloedh yn Mispa.