Breusysi 18:10 - An Bibel Kernewek 20234 (Kernewek Kemmyn)

¹⁰ Pan ewgh, hwi a dheu dhe bobel dhigeudh. Ledan yw an tir – yn hwir Duw re'n ros yn agas diwleuv – tyller ma nag eus fowt a dravyth war an norvys.’

Breusysi 18:10 ပူးပေါင်းရင်းမြစ်များ

Eksodus 3:8

ha my re dhiyskynnas dh'aga livra yn-mes a leuv an Ejyptianys ha dh'aga dri a'n tir na dhe dir mas ha ledan, dhe dir a dhinwa leth ha mel, dhe dyller an Kananysi, an Hittysi, an Amorysi, an Perizzysi, an Hivysi ha'n Yebusysi.

Ezekiel 20:6

Y'n jydh na my a dhrehevis ow leuv dhedha ha ti, my dh'aga dri yn-mes a bow Ejyp dhe dir a aspiis ragdha, a dhinwa leth ha mel, an tekka a'n tiryow oll.

Dewteronomi 2:29

kepar dell wrug dhymm mebyon Esaw usi trigys yn Seir, ha'n Moabysi usi trigys yn Ar, erna dreussiv an Yordan war-tu ha'n tir neb a re dhyn an Arloedh agan Duw.’

Dewteronomi 4:1

Lemmyn, Ysrael, goslow an ordenansow ha'n breusow esov ow tyski dhywgh dhe wul, rag may fewowgh ha dos hag erita an tir usi an Arloedh Duw agas tasow ow ri dhywgh.

1 Timothi 6:17

Gorhemmynn dhe'n dus yw rych y'n bys ma na vons i goethus na trestya yn rychys nag yw sur, mes yn Duw, a brof dhyn pup-tra yn rych dhe wul devnydh 'vas anodho.

Yoshua 2:23

Ytho an dhew wour a dhehwelis ha dos yn-nans a'n vro venydhyek. I a dreusis an avon ha dos dhe Yoshua mab Nun, ha derivas dhodho pup-tra a hwarvia dhedha.

Yoshua 2:24

Yn-medhons dhe Yoshua, ‘Yn hwir an Arloedh re ros yn agan diwla oll an tir; hag oll annedhysi an tir re deudhis yn own a-dheragon.’

Yoshua 6:16

An seythves gweyth, pan hwythas an oferysi an hirgern, Yoshua a leveris dhe'n lu, ‘Germewgh! rag an Arloedh re ros dhywgh an sita.

Breusysi 18:11

Hwegh kans gour a loeth an Danysi, ervys gans arvow a vresel eth yn-mes a Sora hag a Eshtaol,

Breusysi 18:27

An Danysi a gemmeras an pyth a wrussa Mika, war-barth ha'n oferyas o dhodho, hag i a dheuth dhe Laish, dhe bobel gosel ha digeudh, hag i a's weskis gans an kledha hag a loskas an sita.

Breusysi 18:7

An pymp gour eth yn-rag, ha pan dheuthons dhe Laish, i a welas an bobel esa ena ow pewa gans diagha herwydh gis tus Sidon, kosel ha digeudh, heb edhomm a dravyth war an norvys, ha dhedha rychys. Pell vons a dus Sidon, ha ny's teva kevrenn gans denvyth.

Breusysi 18:9

i a leveris dhedha, ‘Pyth yw agas derivadow?’ Yn-medhons, ‘Deun yn-bann er aga fynn; rag ni re welas an tir ha fest da ywa. A wrewgh travyth? Na vedhewgh lent ow mos, mes entrewgh ynno hag eritewgh an tir.