Breusysi 17:5 - An Bibel Kernewek 20234 (Kernewek Kemmyn)

⁵ An keth gour ma Mika a'n jevo y sentri y honan, hag ev a wrug efod ha terafim hag a sakras onan a'y vebyon, neb eth ha bos y oferyas.

Breusysi 17:5 ပူးပေါင်းရင်းမြစ်များ

Jenesis 31:19

Ha Laban eth dhe gnyvyas y dheves; ha Raghel a ladras an terafim a bewo hy thas,

Jenesis 31:30

Ha lemmyn ty res eth yn-kerdh, rag ty dhe vos ow yeuni yn fur war-lergh chi dha das. Mes prag y hwruss'ta ladra ow duwow?’

1 Myghternedh 12:31

Ynwedh ev a wrug sentris war dylleryow ughel, hag apoyntya oferysi dhiworth an bobel oll, nag ens Levysi.

1 Myghternedh 12:32

Yeroboam a fondyas goel y'n pymthegves dydh a'n ethves mis kepar ha'n goel yn Yuda, hag ev a offrynnas sakrifisow war an alter; yndella ev a wrug ynwedh yn Bethel, ow sakrifia dhe'n leughi re wrussa. Hag ev a worras yn Bethel oferysi an tylleryow ughel re wrussa.

Ezra 1:7

Ynwedh myghtern Kyrus a dhros yn-mes lestri chi an Arloedh, a wrug Nebukadnessar aga dri yn-mes a Yerusalem, ha'ga gorra yn chi y dhuwow;

Eksodus 24:5

Hag ev a dhannvonas gwer yowynk a vebyon Ysrael, neb a offrynnas offrynnow leskys ha sakrifia offrynnow kres a lodhnow dhe'n Arloedh.

Eksodus 28:15

Ha ty a wra lurik a vreus, sleyghweythys; kepar hag ober an efod ty a'n gwra; a bann owrek, glas ha purpur ha kogh hag a sendal plethys ty a'n gwra.

Eksodus 28:4

An re ma yw an gwiskasow a wrons: lurik, efod, pows, mantell a vrithweyth, tulyfant ha grogys; i a wra gwiskasow sans rag Aron dha vroder ha'y vebyon dhe'm servya avel oferysi.

Eksodus 29:9

ha'ga grogysa gans grogysyow ha kelmi bondow-penn warnedha; ha'n oferyaseth a vydh dhedha der ordenans heb worfenn. Yndellma ty a wra sakra Aron ha'y vebyon.

Ysay 44:13

An ser prenn a ystynn kordenn-vusura, ev a'n merk gans mynowes, ev a'n shap gans raskow hag a'n merk gans kompas; ev a'n shap dhe hevelep gour, gans tekter den, may trikko yn chi.

Ezekiel 21:21

Rag myghtern Babylon a sev orth diberthva an fordh, orth penn an dhiw fordh, dhe wul dewinieth. Ev a shak sethow, ev a hwila kusul orth an terafim, ev a vir orth an avi.

Ezekiel 21:26

yndellma y lever an Arloedh Duw: Diwisk an tulyfant ha kemmer dhe-ves an gurun; ny vydh par dell veu. Ughelha an isel, hag uvelha an ughel.

Hosea 3:4

Rag mebyon Ysrael a wra triga meur a dhydhyow heb myghtern, ha heb penntern, ha heb sakrifis, ha heb peulven, ha heb efod na terafim.

Hosea 8:14

Ysrael re ankovas y Wrier, ha re dhrehevis palesyow; ha Yuda re wrug lies sita gerys. Mes my a dhannvon tan yn y sitys a dhevor y gastylli.

Niverow 3:10

Ha ty a wra charjya Aron ha'y vebyon dhe witha aga dever oferyasek; mes mar teffo neb estren yn ogas, ev a vydh gorrys dhe'n mernans.

Ebrowyon 5:4

Ha ny omgemmer denvyth an enor ragdho y honan, marnas ev a veu gelwys gans Duw, par dell veu Aron.

Breusysi 17:4

Ytho pan dhaskorras an arghans dh'y vamm, y vamm a gemmeras dew kans bath a arghans, ha'y ri dhe weythor arghans, neb a's gwrug yn imaj teudh; hag yth esa yn chi Mika.

Breusysi 18:14

Ena an pymp gour a via gyllys dhe aspia an tir (henn yw Laish) a leveris dh'aga breder, ‘A wodhowgh hwi bos yn chiow ma efod, terafim hag imaj? Lemmyn ytho ombrederewgh pandr'a wrewgh.’

Breusysi 18:24

Ev a worthybis, ‘Hwi a gemmeras an duwow a wrug vy, ha'n oferyas, ha mos dhe-ves, ha pyth yw gesys dhymm? Ytho fatell yllowgh hwi govynn orthiv, “Pandr'a hwer dhis?” ’

Breusysi 18:30

Ena an Danysi a dhrehevis an imaj ragdha aga honan. Yonathan mab Gershom, mab Moyses, ha'y vebyon o oferysi rag loeth an Danysi bys y'n prys kethneth an tir.

Breusysi 8:27

Gideon a wrug efod anodho hag a'n gorras yn y dre, yn Ofra; hag oll Ysrael a farya avel horys ena, hag ev o gyllys antell dhe Gideon ha dh'y deylu.

1 Samuel 19:13

Mikal a gemmeras idol ha'y worra war an gweli; hi a worras kolghes a vlew gever war y benn, ha'y gwetha gans dillas.

1 Samuel 23:6

Pan fias Abiathar mab Ahimelek dhe Davydh yn Keila, ev a dheuth yn-nans gans Efod yn y dhorn.