Breusysi 17:4 - An Bibel Kernewek 20234 (Kernewek Kemmyn)

⁴ Ytho pan dhaskorras an arghans dh'y vamm, y vamm a gemmeras dew kans bath a arghans, ha'y ri dhe weythor arghans, neb a's gwrug yn imaj teudh; hag yth esa yn chi Mika.

Breusysi 17:4 ပူးပေါင်းရင်းမြစ်များ

Ysay 30:22

Hwi a dhefol dha idolys gorherys gans arghans ha dha imajys gorowrys; ty a's tewl dhe-ves avel kweth avlan ha leverel dhedhi, ‘Ke dhe-ves!’

Ysay 44:13

An ser prenn a ystynn kordenn-vusura, ev a'n merk gans mynowes, ev a'n shap gans raskow hag a'n merk gans kompas; ev a'n shap dhe hevelep gour, gans tekter den, may trikko yn chi.

Habakkuk 2:18

Py les eus dhe imaj gravys pan y'n gravyas y furvyer – imaj teudh ha dyskador gowyow? An furvyer a drest y wrians y honan, ow kul idolys avlavar!

Dewteronomi 27:15

‘Mollothek yw an gour neb a wra imaj gravys po imaj teudh, tra gasadow dhe'n Arloedh, ober diwleuv krefter, ha neb a'n sett yn-bann yn-dann gel.’ Ena oll an bobel a worthyp ow leverel, ‘Amen.’

Breusysi 17:3

Ena ev a dhaskorras an unnek kans bath a arghans dh'y vamm, ha'y vamm a leveris, ‘Sakra a wrav an arghans dhe'n Arloedh a'm leuv a-barth ow mab rag gul imaj gravys hag imaj teudh.’

Breusysi 17:5

An keth gour ma Mika a'n jevo y sentri y honan, hag ev a wrug efod ha terafim hag a sakras onan a'y vebyon, neb eth ha bos y oferyas.

Breusysi 18:17

An pymp gour a via gyllys dhe aspia an tir a entras hag a gemmeras an imaj, an efod ha'n terafim. Yth esa an oferyas ow sevel orth entrans an yet gans an hwegh kans gour o ervys gans arvow a vresel.