Breusysi 17:10 - An Bibel Kernewek 20234 (Kernewek Kemmyn)

¹⁰ Ena Mika a leveris dhodho, ‘Trig genev, ha bydh dhymmo tas hag oferyas, hag y rov dhiso deg bath a arghans a'n vlydhen, dha dhillas ha'th pygans.’

Breusysi 17:10 ပူးပေါင်းရင်းမြစ်များ

Jenesis 45:8

Ha lemmyn nyns yw hwi a'm dannvonas omma mes Duw, hag ev re'm settyas kepar ha tas dhe Faro, hag arloedh war oll y ji, ha rewler war oll pow Ejyp.

2 Myghternedh 13:14

Pan eth Elisha yn klav gans an kleves may ferwis anodho, Yehoash myghtern Ysrael a dheuth yn-nans dhodho hag oela a-ragdho, ha leverel, ‘A ow thas, ow thas! Charett Ysrael ha'y varghogyon!’

2 Myghternedh 2:12

Elisha a welas henna hag ev a armas, ‘Ow thas! Ow thas! Charett Ysrael ha'y varghogyon’. Ha ny'n gwelas na fella. Ev a dhalghennas y dhillas y honan ha'ga skwardya yntra dew.

2 Myghternedh 6:21

Myghtern Ysrael a leveris dhe Elisha pan y's gwelas, ‘Ow thas, a wrav aga ladha? A wrav aga ladha?’

Job 29:16

Tas rag an voghosogyon en, ha my a skoedhya ken an den na aswonnyn.

Ysay 22:21

My a wra y gwetha gans dha bows ha kelmi dha wrogys warnodho. My a re dha awtorita yn y leuv, hag ev a vydh tas dhe annedhysi Yerusalem ha dhe ji Yuda.

Ezekiel 13:19

Hwi re'm dhefolas yn mysk ow fobel rag dornasow a heydh ha temmyn a vara, ow ladha enevow na dalsons merwel, hag ow sparya enevow na dalsons bewa, der agas gowleverel dhe'm pobel usi ow koslowes orth gow.

Matthew 26:15

ha leverel, ‘Pandr'a vynnowgh y ri dhymm mara'n daskorrav dhywgh?’ Hag y hwrussons pe dhodho deg bath warn ugens a arghans,

Yowann 12:6

Ny leveris hemma rag bos dhodho bern a-barth an voghosogyon, mes rag ev dhe vos lader, hag ev a witha an pors, ha ladra an pyth o gorrys ynno.

1 Timothi 6:10

Rag fenten pub drog yw kerensa mona ha der an hwans ma nebes tus res eth yn sowdhan dhiworth an fydh ha gwana aga honan gans lies galar.

1 Peder 5:2

bugelyewgh flokk Duw usi yn agas mysk, ow korweles heb konstryna mes bolonjedhek, war-lergh bodh Duw; heb hwansa gwayn plos, mes yn tiwysyk;

Breusysi 17:11

An Levyas a assentyas dhe driga gans an gour; ha'n den yowynk eth ha bos avel onan a'y vebyon.

Breusysi 17:9

Mika a leveris dhodho, ‘A byle osta devedhys?’ Ev a worthybis, ‘Levyas a Bethlehem yn Yuda yth ov, hag yth av dhe driga yn py le pynag may hallav kavoes tyller.’

Breusysi 18:4

Ev a leveris dhedha, ‘Mika a wrug neppyth a'n par ma ragov, hag ev a'm arvethas, ha galsov y oferyas.’

1 Samuel 2:36

Ena peub yw gesys y'th chi a dheu ha plegya dhe'n dor a-ragdho rag tamm a arghans ha torth-vara, ha leverel, Gorr vy, my a'th pys, yn neb soedh oferyasek, rag may hallav dybri tamm a vara.” ’