Breusysi 16:30 - An Bibel Kernewek 20234 (Kernewek Kemmyn)

³⁰ Ena Samson a leveris, ‘Gas vy dhe verwel gans an Filistysi.’ Ev a dennas gans oll y nerth; ha'n chi a goedhas war an wahalyethow hag oll an bobel esa ynno. Yndella an re a ladhas orth y vernans o moy es an re a ladhas der oll y vewnans.

Breusysi 16:30 ပူးပေါင်းရင်းမြစ်များ

Jenesis 3:15

Ha my a worr avi yntra jy ha'n venyn, hag yntra dha has jy ha'y has hi. Ev a vrew dha benn ha ty a vrew y seudhel.’

Job 20:5

mayth yw heudh an re dhidhuw berr, hag unn pols byghan yw lowena an debelwas?

Job 31:3

A nyns yw anfeusi rag an dhrogoberer, terroes rag an re a wra droktra?

Salmow 62:3

Pygemmys prys y settyewgh war dhen, orth y voldra, hwi oll, avel fos kromm, po avel ke herdhys yn-nans?

Ekklesiastes 9:12

Yn sur ny woer den y brys gwiw; kepar dell yw puskes kevys yn tebel roes, ha kepar dell yw ydhyn kevys yn maglenn, yndellma yth yw mebyon den maglennys yn termyn anfeus a goedh warnedha a-dhesempis.

Matthew 16:25

Rag piwpynag a vynno sawya y vewnans, ev a'n kyll, ha piwpynag a gollo y vewnans a-barth dhymm, ev a'n kyv.

Oberow 20:24

Mes ny akontyav ow bewnans a vri vyth dhymmo vy, unnweyth a kallen kowlwul ow resegva, ha'n menystrans a dhegemmeris dhiworth an Arloedh Yesu, rag doen dustuni dhe'n aweyl a ras Duw.

Oberow 21:13

Ena Powl a worthybis, ‘Pandr'a wrewgh hwi, owth oela ha treghi ow holonn? Rag parys ov vy dhe vos kelmys keffrys ha merwel yn Yerusalem a-barth hanow an Arloedh.’

Filippianys 2:17

Mes dhe wir, mars ov skoellys avel offrynn diwes war agas sakrifis ha'n gonis a'gas fydh, my a lowenha ha keslowenhe genowgh hwi oll;

Filippianys 2:30

rag der ober Krist, ev a dheuth bys yn ankow, ow peryllya y vewnans dhe gollenwel an gweres na yllewgh ri dhymm.

Filippianys 2:8

ev a omuvelhas ha dos ha bos gostydh bys yn ankow, mernans yn krows.

Kolossianys 2:15

ev a dhestryppyas an prynsipatys ha'n potestatys, ha'ga gul ensampel yn apert, orth aga hembronk yn keskerdh trygh dredhi hi.

1 Thessalonianys 5:2

rag hwi agas honan a woer yn kewar dydh an Arloedh dhe vos kepar ha lader yn nos.

Breusysi 14:19

Ena spyrys an Arloedh a fyskas warnodho, hag ev eth yn-nans dhe Ashkelon. Ev a ladhas deg gour warn ugens a'n dre, hag a gemmeras aga freydh, hag a ros an dillasennow dhe'n re re a dhisplegsa an govynn koynt. Yn sorr poeth ev a dhehwelis dhe ji y das.

Breusysi 15:15

Ena ev a gavas challa yr a asen, hag ev a ystynnas y leuv ha'y synsi, ha gansa ev a ladhas mil wour.

Breusysi 15:8

Ev a's gweskis dhe'n dor, klun ha mordhos gans ladhva veur, hag ev eth yn-nans ha triga y'n fols yn karrek Etam.

Breusysi 16:29

Ena Samson a synsis an dhiw goloven yn kres an chi, warnedha may sevis an chi, hag ev a boesas warnedha, y leuv dhyghow war an eyl ha'y leuv gledh war an arall.

Breusysi 16:31

Ena y vreder hag oll y deylu a dheuth yn-nans ha'y gemmeres ha'y dhri yn-bann ha'y ynkleudhyas yntra Sora hag Eshtaol yn bedh y das Manoagh. Ev re vreussa Ysrael ugens blydhen.