Breusysi 16:24 - An Bibel Kernewek 20234 (Kernewek Kemmyn)

²⁴ Pan y'n gwelas an bobel, i a wormolas aga duw; rag y lavarsons, ‘Agan duw re ros agan eskar yn agan leuv, ravner agan tir, neb re ladhas lies ahanan.’

Breusysi 16:24 ပူးပေါင်းရင်းမြစ်များ

1 Kroniklys 10:9

I a'n pilyas ha kemmeres y benn ha'y arvow; ha dannvon kannasow dre bow an Filistysi dhe dhoen an nowodhow da dh'aga idolys ha dhe'n bobel.

Salmow 97:7

Perthes meth oll an re a serv imajys gravys, hag a vost yn idolys; gordhyewgh ev, an duwow oll.

Ysay 37:20

Lemmyn, A Arloedh agan Duw, saw ni yn-mes a'y leuv, may hwodhvo oll gwlaskordhow an norvys, ty dha honan dhe vos an Arloedh.’

Ezekiel 20:14

My a wrug hemma a-barth ow hanow, ma na ve disakrys a-wel dhe'n kenedhlow, neb a's dres dhe-ves a-wel dhedha.

Daniel 5:23

mes ty a omughelhas erbynn Arloedh an nevow. Lestri y ji re beu dres a-ragos, ha ty ha'th arlydhi, dha wragedh, ha'th iswragedh re evas gwin dhiworta; ha ty re wormolas an duwow a arghans hag owr, brons, horn, prenn ha men, neb na welons na klewes na godhvos; mes an Duw mayth usi dha anall yn y dhorn, hag oll dha hynsyow, ny wrussys y enora.

Daniel 5:4

I a evas gwin, ha gormel an duwow a owr hag arghans, brons, horn, prenn ha men.

Habakkuk 1:16

Rakhenna yth offrynn dh'y roes ha leski offrynnow dh'y roes-draylya; rag bras yw y rann dredha, ha rych yw y boes.

Dewteronomi 32:27

na ve my dhe berthi own a sorr an eskar, ma na wrella y envi kammgonvedhes, ma na lavarrens, ‘Agan leuv yw ughel; ny veu an Arloedh neb a wrug oll hemma.’

Diskwedhyans 11:10

Ha'n re a drig war an nor a wra lowenhe warnedha, ha heudhhe, ha dannvon rohow an eyl dh'y gila, rag an dhew brofoes ma a dormentyas an re usi trigys war an nor.

Breusysi 15:14

Pan dheuth dhe Lehi, an Filistysi a dheuth gans garmow dhe vetya ganso; ha spyrys an Arloedh a fyskas warnodho ha'n lovanow esa war y dhiwvregh eth ha bos avel garrow lin gans tan, ha'y rawyow a deudhis dhiworth y dhiwdhorn

Breusysi 15:16

Ha Samson a leveris, ‘Gans challa asen, kalsow war galsow; gans challa asen my re ladhas mil wour.’

Breusysi 15:8

Ev a's gweskis dhe'n dor, klun ha mordhos gans ladhva veur, hag ev eth yn-nans ha triga y'n fols yn karrek Etam.

Breusysi 16:25

Ha pan o aga holonn meri, i a leveris, ‘Galw Samson, ha didhanes ni.’ Yndella i a elwis Samson yn-mes a'n prison, hag ev a's didhanas. I a'n gwrug dhe sevel ynter an kolovenyow,

1 Samuel 31:9

I a droghas dhe-ves y benn, ha pilya dhe-ves y arvow, ha dannvon kannasow a-derdro yn pow an Filistysi dhe dhri an nowodhow da dhe jiow aga idolys ha dhe'n bobel.