Breusysi 16:20 - An Bibel Kernewek 20234 (Kernewek Kemmyn)

²⁰ Ena hi a leveris, ‘Ottensi an Filistysi warnas, Samson!’ Pan dhifunas ev a dybis, ‘My a wra mos yn-mes par dell wren yn prysyow erell hag omshakya rydh.’ Mes ny wodhya y hwrussa an Arloedh y asa.

Breusysi 16:20 ပူးပေါင်းရင်းမြစ်များ

2 Kroniklys 15:2

Ev eth yn-mes rag metya gans Asa, hag a leveris dhodho, ‘Goslow orthiv, Asa hag oll Yuda ha Benyamin. Yma an Arloedh genowgh, ha hwi ganso. Mara's hwilowgh, ev a vydh kevys genowgh, mes mara's gesowgh, ev a'gas gas.

Ysay 42:24

Piw a ros Yakob dhe'n ravner, hag Ysrael dhe'n ladron? A ny veu an Arloedh er y bynn may peghsyn? Ny vynnsons kerdhes yn y fordhow, ha ny vynnsons bos gostydh dh'y lagha.

Hosea 7:9

Estrenyon re dhevoryas y nerth, ha ny woer. Blew loes yw lesys warnodho, ha ny woer.

Niverow 14:9

Mes, na sevewgh erbynn an Arloedh; ha na berthewgh own a bobel an tir, rag bara yns i ragon; aga skoes yw kemmerys a-dhiworta, hag yma an Arloedh genen; na berthewgh own anedha.’

Matthew 17:16

Ha my a'n dros ev dhe'th tyskyblon ha ny allsons y yaghhe.’

Matthew 17:20

Yn-medh Yesu dhedha, ‘Drefenn agas boghes fydh; rag yn hwir y lavarav dhywgh, mars eus genowgh fydh kemmys ha hasenn kedhow, hwi a lever dhe'n menydh ma, “Ty bydh removyes alemma yn-hons”, ha removyes vydh; ha travyth ny vydh dres agas galloes.

2 Korinthianys 3:5

Nyns on ni gwiw dhyn agan honan dhe rekna travyth a'gan honan, mes agan gwiwder yw a Dhuw,

Dewteronomi 32:30

Fatell allsa unn den chasya mil, po dew fesya deg mil, mar ny's gwerthas aga Harrek, ha'n Arloedh a's daskorras.

Yoshua 7:12

Ytho ny allas mebyon Ysrael sevel a-dherag aga eskerens; i a dreylyas aga hilbenn dh'aga eskerens, drefenn i aga honan dhe vos tra sakrys dhe dhistruyans. Ny vydhav genowgh namoy, marnas hwi a dhistru an taklow sakrys a-dhiworthowgh.

Breusysi 16:14

Yndella hag ev ow koska, Delila a gavas an seyth kudynn a'y benn ha'ga gwia y'n steuv ha'ga thynnhe gans an ebil. Ena hi a leveris dhodho, ‘Ottensi an Filistysi warnas, Samson!’ Mes ev a dhifunas a'y gosk, hag a dennas dhe-ves an ebil ha'n steuv.

Breusysi 16:19

Hi a'n asas dhe goska war hy barrlenn; ha hi a elwis gour, hag a wrug dhodho treghi an seyth kudynn a'y benn. Ev a dhallathas bos gwann, ha'y nerth a'n gasas.

Breusysi 16:21

Yndella an Filistysi a'n sesyas hag a droghas yn-mes y dhewlagas. I a'n dros yn-nans dhe Gaza ha'y gelmi gans kargharow a vrons; hag ev a veu settys dhe velyas greun y'n prison.

Breusysi 16:3

Samson a wrowedhas bys hanter-nos. Ena ev a sevis yn hanter-nos, hag settya dalghenn yn darasow yet an sita ha'n dhew bost, hag a's tennas yn-bann, war-barth gans an barr, hag a's gorras war y dhiwskoedh, ha'ga doen dhe benn an vre usi a-rag Hebron.

Breusysi 16:9

Yth esa gensi tus ow kontrewaytya yn chambour a-bervedh, ha hi leveris dhodho, ‘Ottensi, an Filistysi warnas, Samson!’ Mes ev a dorras an kerdyn-gwarak, par dell grakk kordenn a arrow lin pan doch hi an tan. Yndella nyns o godhvedhys kevrin y nerth.

1 Samuel 16:14

Mes spyrys an Arloedh a dhibarthas a-dhiworth Sowl, ha tebel spyrys a-dhiworth an Arloedh a'n tormentya.

1 Samuel 18:10

An nessa dydh tebel spyrys dhiworth Duw a fyskas war Sowl, hag ev a vuskegis a-ji dh'y ji, ha Davydh ow telynnya kepar dell wre orth prysyow erell. Hag yth esa guw yn dorn Sowl;

1 Samuel 18:12

Sowl a borthas own a Davydh, drefenn bos an Arloedh ganso, mes gyllys dhiworth Sowl.