Breusysi 16:17 - An Bibel Kernewek 20234 (Kernewek Kemmyn)

¹⁷ Ytho ev a dherivas dhedhi oll an kevrin, hag a leveris dhedhi, ‘Nevra ny dheuth altenn war ow fenn, rag my re beu Naziryas dhe Dhuw a dorr ow mamm. Mar pe gols ow fenn treghys dhe-ves, ena ow nerth a'm gassa; gyllys vien ha bos gwann, ha bos haval dhe bub den arall.’

Breusysi 16:17 ပူးပေါင်းရင်းမြစ်များ

Lavarow Koth 12:23

Den doeth a gudh y wodhvos, mes brys fellyon a dhyllo aga follneth.

Lavarow Koth 13:3

Neb a with y anow a saw y vewnans, mes neb a iger y dhiwweus a-les a dheu dhe dhiswrians.

Lavarow Koth 29:12

Mar koslow rewler orth gow, y soedhogyon oll a vydh tebelwesyon.

Mika 7:5

Na drest yn koweth, na fydh yn kothman; gwith porthow dha anow a'n venyn a bowes war dha askra;

Niverow 6:2

Lavar dhe vebyon Ysrael, Pan gollenow gour po benyn ambos arbennik, ambos nazirek, dhe vos sakrys avel naziryas dhe'n Arloedh,

Niverow 6:5

Dydhyow oll y ambos nazirek ny wra altenn vyth dos war y benn; bys pan vydh kowlwrys an termyn may fo sakrys avel naziryas dhe'n Arloedh, ev a vydh sans; ev a wra gasa kudynnow y wols dhe devi hir.

Oberow 18:18

Wosa gortos lies dydh moy, Powl a leveris farwell gans an vreder ha goelya dhe-ves dhe Syria, ha ganso Priskilla hag Akwila, wosa ev dhe dreghi y wols yn Kenkrea; rag y feu dhodho ambos.

Breusysi 13:5

Rag ty a omdhek ha dineythi mab. Gwayt na dheffo altenn vyth war y benn rag an mab a vydh Naziryas dhe Dhuw a'y enesigeth. Ev a vydh neb a dhalleth delivra Ysrael a leuv an Filistysi.’

Breusysi 16:16

Wor'tiwedh, wosa hi dh'y vrosa gans hy geryow dydh wosa dydh ha'y annia, y enev o skwith bys an mernans.

Breusysi 16:18

Pan wodhva Delila ev dhe dherivas dhedhi oll y gevrin, hi a dhannvonas war-lergh gwahalyethow an Filistysi, ow leverel, ‘Dewgh yn-bann an termyn ma, rag ev re dherivas oll y gevrin dhymmo vy.’ Ena gwahalyethow an Filistysi a dheuth yn-bann dhedhi, hag a dhros an arghans yn aga diwleuv.