Breusysi 15:18 - An Bibel Kernewek 20234 (Kernewek Kemmyn)

¹⁸ Y'n prys na ev a'n jevo syghes bras, hag ev a elwis war an Arloedh, ow leverel, ‘Ty re wrontyas an trygh meur ma dre leuv dha was. A dal dhymm merwel rag syghes ha koedha yn leuv an re antrodreghys?’

Breusysi 15:18 ပူးပေါင်းရင်းမြစ်များ

Jenesis 20:11

Hag yn-medh Abraham, ‘Rag my a brederis, Yn sur, nyns eus own Duw y'n tyller ma, hag i a'm ladh drefenn ow gwreg.

Jenesis 32:31

Ha'n howl a dhrehevis warnodho hag ev ow tremena Penuel; hag yth esa ow kloppya drefenn y glun.

2 Samuel 1:20

Na wrewgh y leverel yn Gath, na wra y dhyllo yn stretow Ashkelon; ma na lowenhaho myrghes an Filistysi, ma na heudhhaho myrghes an re antrodreghys.

Yowann 19:28

Wosa hemma, Yesu, ow kodhvos pup-tra lemmyn dhe vos kowlwrys, may fe kollenwys an skryptor, a leveris, ‘Yma syghes dhymm.’

Ebrowyon 11:32

Ha pandr'a lavarav moy? Rag termyn a fallsa dhymm dhe dherivas a-dro dhe Gideon, Barak, Samson, Yeftha, a-dro dhe Davydh ha Samuel ha'n brofoesi,

Breusysi 14:3

Mes y das ha'y vamm a leveris dhodho, ‘A nyns eus benyn yn mysk dha gerens, po yn mysk oll agan pobel, bys may tegoedh dhis kavoes gwreg dhiworth an Filistysi antrodreghys?’ Mes Samson a leveris dh'y das, ‘Kav hi ragov, drefenn hi a'm ples.’

Breusysi 15:17

Wosa leverel hemma, ev a dewlis dhe-ves an challa, ha'n tyller na a veu henwys Ramath-lehi.

Breusysi 16:28

Ena Samson a elwis dhe'n Arloedh ha leverel, ‘Arloedh Duw porth kov ahanav ha'm krevhe unnweyth an prys ma, a Dhuw, rag may tylliv dial yn unn lamm war an Filistysi rag ow dewlagas.’

Breusysi 8:4

Ena Gideon a dheuth dhe'n Yordan hag a dreusis, ev ha'n tri hans esa ganso, skwith ha nownek.

1 Samuel 17:26

Davydh a leveris dhe'n wer esa sevys rybdho, ‘Pandr'a vydh gwrys rag an gour neb a ladh an Filistyas ma, ha kemmeres dhe-ves an meth dhiworth Ysrael? Rag piw yw an Filistyas antrodreghys ma may hyll ev defia luyow an Duw bew?’

1 Samuel 17:36

Dha was re ladhas lewyon hag orses; ha'n Filistyas antrodreghys ma a vydh kepar hag onan anedha, a-ban wrug ev defia luyow an Duw bew.’

1 Samuel 27:1

Davydh a brederis yn y golonn, ‘Lemmyn, my a verow unn jydh dre leuv Sowl; nyns eus travyth gwell ragov marnas diank hware dhe bow an Filistysi; ena Sowl a hedh dhe'm hwilas pella a-ji dhe oryon Ysrael, ha my a dhienk mes a'y leuv.’