Breusysi 14:4 - An Bibel Kernewek 20234 (Kernewek Kemmyn)

⁴ Ny wodhya y das na'y vamm bos hemma dhiworth an Arloedh, rag yth esa ow hwilas acheson dhe oberi erbynn an Filistysi. Yn termyn na an Filistysi a's tevo maystri war Ysrael.

Breusysi 14:4 ပူးပေါင်းရင်းမြစ်များ

1 Myghternedh 12:15

Yndella ny woslowas an myghtern orth an bobel, drefenn bos hemma destnys gans an Arloedh, dhe gewera an ger kewsys gans an Arloedh der Ahiya an Shilonyas dhe Yeroboam mab Nebat.

1 Myghternedh 12:24

‘Yndellma y lever an Arloedh. Ny yskynnowgh dhe werrya erbynn agas breder an Ysraelysi. Es pubonan dhe dre, rag an dra ma yw a-dhiworthiv.’ Ytho i a woslowas orth ger an Arloedh ha mos arta dhe dre, herwydh ger an Arloedh.

2 Myghternedh 6:33

Pan esa hwath ow kewsel orta, otta, an myghtern a dheuth yn-nans dhodho ha leverel, ‘Dhiworth an Arloedh yw an trobel ma. Prag y tal dhymm gortos an Arloedh pella?’

2 Kroniklys 10:15

Yndella ny woslowas an myghtern orth an bobel, drefenn bos hemma destnys gans Duw, dhe gewera an ger kewsys gans an Arloedh der Ahiya an Shilonyas dhe Yeroboam mab Nebat.

2 Kroniklys 22:7

Mes ordenys veu gans Duw may teffa terroes Ahazia der y vones yn-mes dhe vires Yoram. Yndella pan dheuth di ev eth yn-mes gans Yoram dhe vetya gans Yehu mab Numshi, neb a wrug an Arloedh y untya may tiswrella chi Ahab.

2 Kroniklys 25:20

Mes ny woslowas Amasia; rag bos hemma dhiworth Duw, dh'aga ri yn leuv Yoash, rag i dhe hwilas duwow Edom.

Salmow 115:3

Mes agan Duw, yma ev y'n nevow; ev re wrug kekemmys a vynnas.

Daniel 6:4

Ena an lewydhyon ha'n wahalyethow a hwilas skila rag krodhvol war Daniel a-dro dhe'n ruvaneth; mes ny yllens kavoes skila rag krodhvol, na kammwul vyth, rag y vos len; ha ny veu kevys ynno na fowt na kammwul.

Dewteronomi 28:48

ty a serv dha eskerens a wra an Arloedh dha Dhuw dannvon er dha bynn, yn nown, hag yn syghes, hag yn noethedh, hag yn esow a bup-tra oll; hag ev a worr yew a horn war dha gonna, bys may hwrello dha dhistrui.

Yoshua 11:20

Y feu an Arloedh y honan grevhas aga holonnow, may tothyens erbynn Ysrael yn kas, rag aga sakra dhe dhistruyans, ha ma na's teffa mersi, mes rag ma's distrua, dell worhemmynnis an Arloedh dhe Moyses.

Breusysi 13:1

Mebyon Ysrael a wrug an pyth o drog yn golok an Arloedh, ha'n Arloedh a's ros yn leuv an Filistysi dew-ugens blydhen.

Breusysi 14:5

Ena Samson eth yn-nans gans y das ha'y vamm dhe Timna. Pan dheuth dhe winlannow Timna distowgh lew yowynk a usas orto.

Breusysi 15:11

Ena tri mil wour a Yuda eth yn-nans dhe'n fols yn karrek Etam, hag i a leveris dhe Samson, ‘A ny wodhes bos an Filistysi rewloryon warnan? Ytho pandr'a wruss'ta dhyn?’ Ev a worthybis, ‘Par dell wrussons dhymmo, yndella re wrug vy dhedha.’

Breusysi 15:3

Samson a leveris dhedha, ‘An prys ma, pan wrav dregynn dhe'n Filistysi, y fydhav heb blam.’