Breusysi 12:6 - An Bibel Kernewek 20234 (Kernewek Kemmyn)

⁶ i a leveri, ‘Ytho lavar Shibboleth’ hag ev a leveri ‘Sibboleth’, rag ny wodhya y leverel yn ewn. Ena i a'n synsi ha'y ladha orth rysyow Yordan. Dew ha dew-ugens a vilyow a'n Efraymysi a goedhas y'n termyn na.

Breusysi 12:6 ပူးပေါင်းရင်းမြစ်များ

Salmow 69:15

Na as an liv dhe frosa dresov, ha na as an downder dhe'm kollenki, ha na as an pytt dhe dhegea y anow warnav.

Salmow 69:2

My a sedh yn leysek dhown, ma nag eus tyller may seffiv; my re dheuth yn dowrow down, may hwra an livow resek warnav.

Lavarow Koth 17:14

Dalleth strif yw avel gasa dowr dhe skapya, ytho gas an gedrynn kyns hi dhe dardha yn-mes.

Lavarow Koth 18:19

Broder hyll yw maga tiwedhyn avel sita grev, ha kedrynna yw haval dhe varrys kastell.

Ekklesiastes 10:12

Geryow ganow den fur yw grassyes, mes diwweus foll a wra y distrui.

Ysay 27:12

Y'n jydh na an Arloedh a dhrush a-dhiworth kanel an Ewfrates bys yn nans Ejyp, ha hwi, mebyon Ysrael, a vydh kuntellys onan hag onan.

Matthew 12:25

Mes ev owth aswonn aga frederow a leveris, ‘Pub gwlaskor rynnys er hy fynn hy honan yw gwrys difeyth ha pub sita po chi rynnys er hy fynn hy honan ny sev.

Matthew 26:73

Pols byghan wosa henna an re ow sevel ena a dheuth ha leverel dhe Peder, ‘Dhe wir ty ynwedh yw onan anedha, rag dha rannyeth a wra dha dhiskudha.’

Mark 14:70

Mes ev a dhenaghas arta. Ha nebes wosa henna an re esa ow sevel ena a leveris arta dhe Peder, ‘Dhe wir, ty yw onan anedha, rag ty yw den a Alile.’

Galatianys 5:15

Mar kwrewgh bratha ha lenki an eyl y gila bedhewgh war ma na vowgh konsumys an eyl gans y gila.

Breusysi 12:5

Ena Gilead a gemmeras rysyow an Yordan erbynn Efraym. Peskweyth may leveri onan a'n fowesigyon a Efraym, ‘Gas vy dhe dreusi’, gwer Gilead a leveri dhodho, ‘Osta Efraymyas?’ Pan leveris, ‘Nag ov’,

Breusysi 12:7

Yefthagh a vreusi Ysrael hwegh blydhen. Ena Yefthagh an Gileadyas a verwis hag a veu ynkleudhys yn y dre yn Gilead.