Breusysi 11:35 - An Bibel Kernewek 20234 (Kernewek Kemmyn)

³⁵ Pan y's gwelas ev a skwardyas y dhillas, ha leverel, ‘Ellas ow myrgh, ty re'm dug fest isel, gyllys os acheson a ahwer meur dhymmo, rag my re igoras ow ganow dhe'n Arloedh, hag ny allav daskavoes ow thi.’

Breusysi 11:35 ပူးပေါင်းရင်းမြစ်များ

2 Samuel 18:33

Ha'n myghtern a veu movyes yn feur, hag ev eth yn-bann dhe'n chambour a-ugh an yet hag oela; hag y leveri, hag ev ow mos, ‘A ow mab Absalom! Ow mab, ow mab Absalom! Unnweyth a marwen yn dha le, A Absalom, ow mab, ow mab!’

2 Samuel 3:31

Ena Davydh a leveris dhe Yoab ha dhe oll an bobel esa ganso, ‘Skwardyewgh agas dillas, hag omwrogysewgh gans yskar, ha kynewgh war Abner.’ Ha myghtern Davydh a holyas an eler.

Job 1:20

Ena Job a sevis ha skwardya y bows, ha treghi gols y benn ha koedha war an dor ha gordhya.

Salmow 15:4

neb a dhispres an podrynn yn y wolok ev, ha neb a wordh an re a berth own a'n Arloedh; neb a de ti kyn fo dh'y dhregynn y honan ha ny dreyl dhiworto;

Salmow 66:13

My a dheu y'th chi gans offrynnow leskys; ha my a dal dhis ow ambosow,

Salmow 66:14

a leveris ow diwweus hag a gewsis ow ganow pan esen yn poenvos.

Niverow 14:6

Ha Yoshua mab Nun ha Kaleb mab Yefunne, esa yn mysk an re a aspias an tir, a skwardyas aga dillas,

Oberow 23:14

i eth dhe'n bennoferysi ha'n henavogyon ha leverel, ‘Ni re omgolmas yn-dann li a vollethi na dhyppryn boes bys pan lytthyn Powl.

Yoshua 7:6

Yoshua a skwardyas y vantell ha koedha dhe'n dor war y fas a-dherag argh Arloedh bys y'n gorthugher, ev ha henavogyon Ysrael; i a dewlis doust war aga fenn.