Breusysi 10:15 - An Bibel Kernewek 20234 (Kernewek Kemmyn)

¹⁵ Ha mebyon Ysrael a leveris dhe'n Arloedh, ‘Ni re beghas; gwra dhyn ni pypynag a hevel da dhis; mes delirv ni, ni a'th pys, y'n jydh ma!’

Breusysi 10:15 ပူးပေါင်းရင်းမြစ်များ

2 Samuel 10:12

Bydh hardh, ha bedhen kolonnek rag agan pobel, ha rag sitys agan Duw; ha re wrello an Arloedh an pyth a hevel da dhodho.’

2 Samuel 12:13

Hag yn-medh Davydh dhe Nathan, ‘My re beghas erbynn an Arloedh.’ Ha Nathan a leveris dhe Davydh, ‘Lemmyn an Arloedh re worras dhe-ves dha begh; ny verwydh.

2 Samuel 15:26

Mes mar lever yndella, “Ny gemmerav plesour vyth ynnos”, ottavy, gwres ev dhymm kepar dell hevel da dhodho.’

2 Samuel 24:10

Ha kolonn Davydh a veu gweskys wosa ev dhe nivera an bobel. Hag yn-medh Davydh dhe'n Arloedh, ‘My re beghas yn feur y'n pyth re wrugavy. Mes lemmyn, A Arloedh, my a'th pys, gav kammweyth dha was; rag my re wrug yn foll.’

2 Samuel 24:14

Ha Davydh a leveris dhe Gad, ‘Yth esov yn ahwer meur; koedhyn yn leuv an Arloedh, rag y druedh yw bras; mes na'm gas dhe goedha yn leuv mab-den.’

Job 33:27

Ev a gan a-rag dus ha leverel, “My re beghas ha kammdreylya an pyth a veu ewn, mes ny dhegemmeris an pyth a dhendilis.

Lavarow Koth 28:13

Ny sewen neb a gudh y gammweythresow, mes neb a's avow ha forsakya a'n jevydh mersi.

Ysay 26:16

A Arloedh, yn ahwer i a'th hwilas; i a dhiveris pysadow pan veu dha hessydhyans warnedha.

Yona 2:4

Ha my a leveris, ‘Pellhes ov vy a-dhiworth dha dhewlagas: fatell wrav vy mires arta troha'th tempel sans?’

Yona 3:9

Piw a woer, a wra Duw treylya ha kemmeres edrek, ha treylya dhiworth y sorr fers, ma na wryllyn ni mos dhe goll?’

Yoshua 9:25

Ha lemmyn yth eson y'th leuv: gwra dhyn par dell hevel da hag ewn y'th tewlagas.’

1 Samuel 12:10

Ena i a armas dhe'n Arloedh, ha leverel, “Ni re beghas, drefenn ni dhe forsakya an Arloedh, ha servya an Baalim ha'n Ashtaroth; mes lemmyn delirv ni yn-mes a dhorn agan eskerens, ha ni a'th serv.”

1 Samuel 3:18

Ha Samuel a dherivas dhodho pup-tra ha ny gudhas travyth a-dhiworto. Hag ev a leveris, ‘An Arloedh yw; Gwres ev an pyth a hevel da dhodho.’

1 Samuel 7:6

Hag i a omguntellas war-barth yn Mispa, ha tenna dowr ha'y dhinewi yn-mes a-dherag an Arloedh. I a benysas y'n jydh na, ha leverel, ‘Ni re beghas erbynn an Arloedh.’ Ha Samuel a vreusi mebyon Ysrael yn Mispa.