Breusysi 1:29 - An Bibel Kernewek 20234 (Kernewek Kemmyn)

²⁹ Ha ny wrug Efraym chasya dhe-ves an Kananysi trigys yn Gezer, mes an Kananysi a veu trigys yn aga mysk yn Gezer.

Breusysi 1:29 ပူးပေါင်းရင်းမြစ်များ

1 Myghternedh 9:15

Hemm yw derivadow a'n lavur konstrynys a elwis Solomon yn-bann rag drehevel chi an Arloedh ha'y ji y honan, ha'n Millo, ha fos Yerusalem, ha Hasor, Megiddo ha Gezer

1 Myghternedh 9:16

(galsa Faro myghtern Ejyp ha kemmeres Gezer ha'y leski gans tan, ha ladha an Kananysi esa trigys y'n sita ha'y ri yn argovrow dh'y vyrgh, gwreg Solomon;

Yoshua 10:33

Ena Horam myghtern Gezer a dheuth yn-bann dhe weres Lakish; ha Yoshua a'n gweskis ev ha'y bobel, bys pan na veu gesys dhodho denvyth yn few.

Yoshua 16:10

Ny fessons an Kananysi trigys yn Gezer. Yma'n Kananysi trigys yn mysk an Efraymysi bys y'n jydh hedhyw, mes i re beu gorrys dhe hwel krev avel kethyon.

Breusysi 1:28

Pan dheuth Ysrael ha bos krev, i a worras an Kananysi dhe hwel krev, mes ny wrussons aga chasya dhe-ves yn tien.

Breusysi 1:30

Ny wrug Zebulun chasya dhe-ves trigoryon Kitron na trigoryon Nahalol; mes an Kananysi a veu trigys yn aga mysk, hag a veu gorrys dhe hwel krev.