Breusysi 1:18 - An Bibel Kernewek 20234 (Kernewek Kemmyn)

¹⁸ Yuda a gemmeras Gaza ynwedh gans hy thiredh, hag Ashkelon gans hy thiredh, hag Ekron gans hy thiredh.

Breusysi 1:18 ပူးပေါင်းရင်းမြစ်များ

1 Myghternedh 4:24

Rag ev a'n jevo mestrynses war oll an ranndir a'n gorlewin dhe'n avon a Tifsagh bys yn Gaza, war oll an vyghternedh a'n gorlewin dhe'n avon; hag ev a'n jevo kres a bub tu.

Eksodus 23:31

Ha my a wra settya dha oryon a'n Mor Rudh dhe vor an Filistysi, hag a'n gwylvos dhe'n Ewfrates; rag my a re annedhysi an tir yn agas dorn, ha ty a wra aga fesya a-ragos.

Yeremia 25:20

hag oll an bobel gemmyskys, hag oll myghternedh pow Us, hag oll myghternedh pow an Filistysi, hag Ashkelon, ha Gaza, hag Ekron ha remenant Ashdod;

Yeremia 47:5

Moelder re dheuth war Gaza, avlavar yw Ashkelon. A remenant an Anakim, pes termyn yth omhakkydh?

Dewteronomi 2:23

Ha'n Avvim, trigys yn godrevow bys yn Gaza, an Kaftorim, neb a dheuth dhiworth Kaftor, a's distruis ha triga yn aga le.)

Yoshua 11:22

Nyns esa gesys an Anakim yn tir an Ysraelysi, mes nebes a veu gesys yn Gaza, yn Gath, hag yn Ashdod.

Yoshua 13:3

a-dhiworth an Shihor, usi a'n howldrevel dhe Ejyp, dhe or Ekron a'n gledhbarth (reknys yw avel kananek, kyn fo dhe bymp gwahalyeth an Filistysi, a Gaza, a Ashdod, a Ashkelon, a Gath, hag a Ekron); tiredh an Avviysi

Yoshua 15:11

Yth eth an or dhe leder Ekron a'n barth kledh, ha treylya dhe Shikkeron, ha tremena dhe venydh Baala, ha dos dhe Yabneel; ha diwedh an or o an mor.

Breusysi 14:19

Ena spyrys an Arloedh a fyskas warnodho, hag ev eth yn-nans dhe Ashkelon. Ev a ladhas deg gour warn ugens a'n dre, hag a gemmeras aga freydh, hag a ros an dillasennow dhe'n re re a dhisplegsa an govynn koynt. Yn sorr poeth ev a dhehwelis dhe ji y das.

Breusysi 16:21

Yndella an Filistysi a'n sesyas hag a droghas yn-mes y dhewlagas. I a'n dros yn-nans dhe Gaza ha'y gelmi gans kargharow a vrons; hag ev a veu settys dhe velyas greun y'n prison.

Breusysi 3:3

Pymp gwahalyeth an Filistysi, hag oll an Kananysi ha'n Sidonysi, ha'n Hivysi esa trigys war venydh Lebanon, dhiworth menydh Baal-hermon, bys Lebo-hamath.

1 Samuel 6:17

An re ma yw an hwedhow owrek a dhaskorras an Filistysi avel offrynn kammweyth dhe'n Arloedh: onan rag Ashdod, onan rag Gaza, onan rag Ashkelon, onan rag Gath, onan rag Ekron;