An Gan a Ganow 7:13 - An Bibel Kernewek 20234 (Kernewek Kemmyn)

¹³ An mandragorow a re ethenn, hag orth agan darasow yma frutys an moyha hweg, nowydh hag ynwedh koth, gwithys genev ragos, ow haradow.

An Gan a Ganow 7:13 ပူးပေါင်းရင်းမြစ်များ

Jenesis 30:14

Rewben eth yn dydhyow trevas an gwaneth ha kavoes mandragorow y'n gwel ha'ga dri dhe Lea y vamm. Yn-medh Raghel dhe Lea, ‘Ro dhymm, my a'th pys, rann a'n mandragorow a'th vab.’

An Gan a Ganow 2:3

Avel avalenn yn mysk gwydh an goeswik, yndella yw ow haradow yn mysk an vebyon. Gans meur a dhesir my a esedhas yn y woskes, ha hweg o y frut dhe'm stevnik.

An Gan a Ganow 4:13

Dha eginyow yw paradhis a reunavalow gans frut dentethyel, henna gans spiknard,

An Gan a Ganow 4:16

Difun, A wyns an gogledh, ha deus, A wyns an dyghow! hwyth war ow lowarth, dhe lesa y spisys. Des ow haradow dh'y lowarth, ha dybri y frut dentethyel.

An Gan a Ganow 6:11

My eth yn-nans dhe lowarth an know rag hwithra an eginyow y'n nans, dhe weles mar kwrug an gwinbrennyer glasa, mar kwrug an greunavalow bleujyowa.

An Gan a Ganow 8:1

A pes avel broder dhymmo vy, neb a sugna diwvronn ow mamm! Ena, pan y'th welen vy y'n stret, my a ammsa dhis, ha ny vien vy dispresys

Ysay 23:18

Hy gwayn ha'y gober a vydh sans dhe'n Arloedh; ny vydh kuntellys na gwithys, mes hy gwayn a vydh rag an re a drig a-rag an Arloedh, rag lanwes boes ha dillas splann.

Matthew 13:52

Yn-medh ev dhedha, ‘Pub skriba, ytho, a veu dyskys rag gwlaskor nev yw haval dhe diek neb a denn yn-mes a'y withva taklow nowydh ha taklow koth.’

Matthew 25:40

Hag y hwra an Myghtern gorthybi ow leverel dhedha, “Yn hwir y lavarav dhywgh, par dell y'n gwrussowgh dhe onan a'n lyha a'm breder ma, dhymmo vy y'n gwrussowgh.”

Yowann 15:8

Yn hemma glorifiys yw ow Thas, hwi dhe dhoen meur a frut ha dhe vos dyskyblon dhymm.

1 Korinthianys 16:2

Dhe gynsa dydh pub seythun, pub huni ahanowgh gorres neppyth a-denewen ha'y witha, dell sewenno, ma na vo edhomm a guntell pan dhyffiv.

1 Korinthianys 2:9

Mes, dell yw skrifys, ‘An pyth na welas lagas bythkweth ha na glewas skovarn ha na dheuth yn kolonn mab-den, an pyth re beu darbarys gans Duw dhe'n re a'n kar’ –

Efesianys 5:9

(rag yma frut an golow yn oll dader hag ewnder ha gwirder),

Filippianys 1:11

lenwys a frut ewnder dre Yesu Krist dhe wordhyans ha gormola Duw.

Kolossianys 3:17

Ha pup-tra oll a wrewgh yn ger po yn gwrians, gwrewgh pup-tra yn hanow an Arloedh Yesu, ow krassa dhe Dhuw an Tas dredho ev.

1 Peder 4:11

Den mar kews, kewses ev lavarow Duw; den mar konis, gonedhes gans nerth yw res gans Duw, may fo Duw gordhys yn pup-tra dre Yesu Krist, dhe neb re bo gordhyans ha nerth, trank heb worfenn. Amen.