An Gan a Ganow 6:9 - An Bibel Kernewek 20234 (Kernewek Kemmyn)

⁹ Onan yw ow holommenn, ow benyn berfydh; an unn vyrgh yw hi dh'y mamm, heb namm dhe neb a's omdhuk. Myrghes a's gwelas ha keslowenhe gensi, myghternesow hag iswragedh a's gormolas.

An Gan a Ganow 6:9 ပူးပေါင်းရင်းမြစ်များ

An Gan a Ganow 2:14

Ow holommenn, yn folsyow an garrek, yn goskes an kleger, diskwedh dhymm dha fas, gas vy dhe glewes dha lev, rag hweg yw dha lev, ha teg yw dha fas

An Gan a Ganow 5:2

Yth esov vy ow koska, mes ow holonn yw difun. Son ow haradow ow knoukya: ‘Igor dhymmo vy, ow hwoer, ow hares, ow holommenn, ow benyn berfydh; rag bos ow fenn glyb dre luth, ow hudynnow dre lybor an nos.’

Salmow 45:9

Yma myrghes myghternedh yn mysk dha wragedh bryntin; orth dha leuv dhyghow y sev an vyghternes gwiskys yn owr a Ofir.

Jenesis 30:13

Yn-medh Lea, ‘Gwynn ow bys, rag benynes a'm gelow gwynnvys’; ytho hi a elwis y hanow Asher.

Galatianys 4:26

Mes an Yerusalem usi a-vann yw frank, neb yw agan mamm.

Salmow 126:2

Ena lenwys veu agan ganow a hwarth, ha'gan taves a lowena. Ena y lavarsons yn mysk an kenedhlow, ‘An Arloedh re wrug taklow meur rag an re ma.’

Dewteronomi 33:29

Gwynn dha vys, Ysrael! Piw yw avelos? pobel selwys gans an Arloedh, an skoes a'th weres, kledha dha veuredh. Dha eskerens a dheu dhis ow fekla, ha ty a drett war aga heynow.

Niverow 23:9

Rag a-dhiworth penn an karregi my a's gwel, a-dhiworth an breow my a's aspi; otta pobel ow triga aga honan, ha heb omrekna yn mysk an kenedhlow!

2 Thessalonianys 1:10

pan dheffo y'n jydh na dhe vos glorifiys yn y syns ha ri marth dhe oll an re a grys, rag bos krysys agan dustuni dhywgh hwi.

1 Myghternedh 11:3

Yn mysk y wragedh yth esa seyth kans pennseviges ha tri hans iswreg; ha'y wragedh a dreylyas dhe-ves y golonn.