An Gan a Ganow 6:8 - An Bibel Kernewek 20234 (Kernewek Kemmyn)

⁸ Yma tri-ugens myghternes ha peswar-ugens iswreg, ha gwyrghesow heb niver.

An Gan a Ganow 6:8 ပူးပေါင်းရင်းမြစ်များ

1 Myghternedh 11:1

Myghtern Solomon a gara lies benyn estren, keffrys ha myrgh Faro: Moabyadesow, Ammonyadesow, Edomyadesow, Sidonyadesow ha Hittyadesow,

1 Myghternedh 11:3

Yn mysk y wragedh yth esa seyth kans pennseviges ha tri hans iswreg; ha'y wragedh a dreylyas dhe-ves y golonn.

2 Kroniklys 11:21

Rehoboam a gara Maaka myrgh Absalom moy es dell gara ev y wragedh erell ha'y iswragedh. Ev a'n jevo etek gwreg ha tri-ugens iswreg, hag ev a dhineythis eth mab warn ugens ha tri-ugens myrgh.

Salmow 45:14

Hi a vydh dres dhe'n myghtern yn dillas brosys; an maghtethyon hy howethesow neb a's hol a's hembronk dhis.

Salmow 45:9

Yma myrghes myghternedh yn mysk dha wragedh bryntin; orth dha leuv dhyghow y sev an vyghternes gwiskys yn owr a Ofir.

An Gan a Ganow 1:3

Ethenn dha oylys yw da, dha hanow yw avel oyl dinewys; rakhenna gwyrghesow re'th karas.

Diskwedhyans 7:9

Wosa hemma, my a welas, hag otta, routh veur, na ylli denvyth hy nivera, a bub kenedhel ha loeth ha pobel ha taves; i a sevi a-dherag an tron hag a-dherag an Oen, gwiskys yn powsyow gwynn, ha palmys yn aga diwla;