An Gan a Ganow 6:13 - An Bibel Kernewek 20234 (Kernewek Kemmyn)

¹³ Dehwel, dehwel, A Shulammyades, dehwel, dehwel, may hwren ni mires orthis. Prag y firowgh orth an Shulammyades, kepar hag orth donsyow dew rew?

An Gan a Ganow 6:13 ပူးပေါင်းရင်းမြစ်များ

Jenesis 32:2

Hag yn-medh Yakob, pan y's gwelas, ‘Kamp Duw yw hemma’, hag ev a elwis hanow an tyller na, Mahanaym.

Ebrowyon 7:2

ha dhodho Abraham a gevrennas ‘degves rann a bup-tra.’ Ev yw kynsa, dre dreylyans y hanow, ‘myghtern ewnder’, hag ena ynwedh, myghtern Salem, henn yw ‘myghtern kres.’

2 Thessalonianys 1:10

pan dheffo y'n jydh na dhe vos glorifiys yn y syns ha ri marth dhe oll an re a grys, rag bos krysys agan dustuni dhywgh hwi.

Galatianys 5:17

Rag an kig a wra hwansa kontrari dhe'n Spyrys, ha'n Spyrys kontrari dhe'n kig, rag an re ma yw kontrari an eyl dh'y gila, ma na wryllowgh gul an pyth a vynnowgh.

Romanyon 7:23

mes y hwelav y'm eseli ken lagha ow kwerrya orth lagha ow brys hag orth ow gul prisner dhe lagha pegh hag a drig y'm eseli.

Romanyon 3:29

Po unnsel dhe'n Yedhewon yw ev Duw? A nyns yw ev Duw an kenedhlow ynwedh? Yw, a'n kenedhlow ynwedh,

Yowann 10:16

Hag yma dhymm deves erell, nag yns a'n gorlann ma; res yw dhymm aga dri ynwedh, hag i a glew ow lev; hag y fydh unn flokk, unn bugel.

Yowann 9:7

ha leverel dhodho, ‘Ke, omwolgh yn poll Siloam’ (hemm yw dhe styrya, Dannvenys). Ytho ev eth hag omwolghi, hag ev a dhehwelis ow kweles.

Luk 15:10

Yndella, yn-medhav dhywgh, y fydh lowena a-rag eledh Duw rag unn peghador ha dhodho edrek.’

Luk 7:44

Ena ev a dreylyas dhe'n venyn ha leverel dhe Simon, ‘A welydh an venyn ma? My a dheuth y'th chi; ny resys dhymm dowr dhe'm treys, mes hi re beu ow klybya ow threys gans hy dagrow ha'ga sygha gans hy gols.

Yeremia 3:22

Dehwelewgh, hwi vebyon dhislen, ha my a yaghha agas dislelder. ‘Otta, ni a dheu dhis: rag ty yw an Arloedh agan Duw.

Ysay 8:6

Drefenn an bobel ma dhe nagha dowrow Shiloagh, usi ow mos yn kosel, ha teudhi yn own a Resin mab Remalia;

An Gan a Ganow 2:14

Ow holommenn, yn folsyow an garrek, yn goskes an kleger, diskwedh dhymm dha fas, gas vy dhe glewes dha lev, rag hweg yw dha lev, ha teg yw dha fas

An Gan a Ganow 1:6

Na vir orthiv rag ow bos nebes du, rag an howl re'm loskas. Serrys orthiv o mebyon ow mamm, y hwrussons dhymm bos gwithyades an gwinlannow, ow gwinlann ow honan ny wrug vy hy gwitha.

Salmow 76:2

Yn Salem yma y skovva, ha'y drigva yn Sion.

2 Samuel 17:24

Ena Davydh a dheuth dhe Mahanaym. Hag Absalom a dremenas dres an Yordan, ev hag oll gwer Ysrael ganso.

Breusysi 21:21

ha goelyewgh; pan dheu an benynes yowynk yn-mes dhe gemmeres rann yn donsyow, ena dewgh yn-mes a'n gwinlannow, ha pub huni synses gwreg ragdho y honan a venynes yowynk Shilo, ha kewgh yn pow Benyamin.

Jenesis 49:10

Ny dreyl an welenn dhiworth Yuda na'n dernwelenn a-dhiworth y dreys, erna dheffo ev neb a's pew; ha dhodho ev y fydh omaj an poblow.

An Gan a Ganow 6:12

Kyns my dhe gonvedhes, ow enev a'm gorras war jarettow ow fobel, avel penntern.