An Gan a Ganow 6:11 - An Bibel Kernewek 20234 (Kernewek Kemmyn)

¹¹ My eth yn-nans dhe lowarth an know rag hwithra an eginyow y'n nans, dhe weles mar kwrug an gwinbrennyer glasa, mar kwrug an greunavalow bleujyowa.

An Gan a Ganow 6:11 ပူးပေါင်းရင်းမြစ်များ

Jenesis 2:9

Ha'n Arloedh Duw a wrug dhe devi mes a'n dor pub gwydhenn a vo teg dhe weles ha da rag boes, an wydhenn a vewnans ynwedh yn kres an lowarth, ha'n wydhenn a wodhvos da ha drog.

Jenesis 40:10

Hag y'n gwinbrenn yth esa teyr skorrenn, ha kettell eginas, y vleujyow a dheuth yn-bann, ha'y vagasow a rappys a adhvesis dhe vos grappys.

An Gan a Ganow 5:1

My re dheuth a-berth y'm lowarth, ow hwoer, ow fries, my re guntellas ow myrr gans ow spis, my re dhybris ow kribenn mel gans ow mel, my re evas ow gwin gans ow leth. Dybrewgh, A gowetha, evewgh, ha bedhewgh medhow dre gerensa.

An Gan a Ganow 6:12

Kyns my dhe gonvedhes, ow enev a'm gorras war jarettow ow fobel, avel penntern.

An Gan a Ganow 6:2

Y hwrug ow haradow mos yn-nans dh'y lowarth, dhe vleujyowegi an spisys, rag peuri y flokk y'n lowarthyow, ha kuntell lili.

An Gan a Ganow 7:12

Gas dhyn ni mos a-brys dhe'n gwinlannow, ha gweles mars eus eginyow a vleujyow war an gwinbrennyer, mars yw an bleujennow igor ha mars yw an greunavalow yn aga bleujyow. Ena my a re dhis ow herensa.

An Gan a Ganow 7:13

An mandragorow a re ethenn, hag orth agan darasow yma frutys an moyha hweg, nowydh hag ynwedh koth, gwithys genev ragos, ow haradow.

Mark 11:13

Hag ow kweles figbrenn a-bell ha dhodho del, ev a dheuth dhe weles mar kaffa neppyth warnodho, ha pan dheuth dhodho, ny gavas travyth saw del; rag nyns esa termyn figys.

Luk 13:7

Hag ev a leveris dhe'n lowarther, “Otta, nans yw teyr blydhen y tov ow hwilas frut war an figbrenn ma ha ny gavav. Ytho gwra y dreghi dhe'n dor; prag y hwra ev an dor dhe vos skwithys?”

Yowann 15:16

Ny wrussowgh hwi ow dewis vy, mes my re'gas dewisas hwi, ha'gas apoyntya mayth yllowgh ha doen frut, ha may hwrello agas frut durya; may rollo ow Thas dhywgh pypynag a wovynnowgh dhiworto y'm hanow vy.

Oberow 15:36

Lemmyn wosa niver a dhydhyow Powl a leveris dhe Barnabas, ‘Dehwelyn ha mos dhe weles an vreder dres pub sita may pregewthsyn ger an Arloedh, rag gweles fatell yw gansa.’