An Gan a Ganow 5:9 - An Bibel Kernewek 20234 (Kernewek Kemmyn)

⁹ Pyth yw dha garadow moy es neb karadow arall, ty dekka yn mysk benynes? Pyth yw dha garadow moy es neb karadow arall, may hwre'ta agan konjorya yndella?

An Gan a Ganow 5:9 ပူးပေါင်းရင်းမြစ်များ

Salmow 45:13

Myrgh an Myghtern yw leun a splannder a-berth y'n palys; hy gwisk yw oberys gans owr.

Salmow 87:3

Taklow gloryus a vydh kewsys ahanas, ty sita Duw. Sela.

An Gan a Ganow 1:8

Mar ny wodhes, ty dekka yn mysk benynes, ke yn hyns war-lergh olow an flokk, ha pask dha vynnow ryb tyldow an vugeledh.

An Gan a Ganow 2:7

My re'gas konjor, A vyrghes Yerusalem, re'n yorghes po re'n ewigow a'n mesyow, Na wra dhe gerensa difuna na movya bys pan vynno hi.

An Gan a Ganow 6:1

Ple hwrug dha garadow mos, A dekka yn mysk benynes? Ple hwrug dha garadow treylya, may hwren ni y hwilas genes?

Ysay 53:2

Rag ev a devis a-ragdho avel losowenn yowynk, hag avel gwreydhenn yn-mes a dir sygh; ny'n jevo na furv na reowta, rag may firren orto, na travyth yn y semlans, rag ma'gan bo hwans anodho.

Matthew 21:10

Hag ev ow tos a-bervedh yn Yerusalem, oll an sita a veu movyes hag a wovynnas, ‘Piw yw hemma?’

Yowann 1:14

Ha'n Ger a veu gwrys kig hag a drigas yn agan mysk, ha ni a welas y wolewder, golewder avel dhe'n unn Vab dineythys a'n Tas, leun a ras hag a wirder.